ଓଡ଼ିଶା ସମାଚାର

ରଙ୍ଗିନ ଆଲୋକରେ ଝଲସିବ ସୂର୍ଯ୍ୟ ମନ୍ଦିର

ରଙ୍ଗିନ ଆଲୋକରେ ଝଲସିବ ସୂର୍ଯ୍ୟ ମନ୍ଦିର

ରଙ୍ଗିନ ଆଲୋକରେ ଝଲସିବ ସୂର୍ଯ୍ୟ ମନ୍ଦିର
May 29
15:42 2017

କୋଣାର୍କ, ୨୯/୦୫/୨୦୧୭(ଓଡ଼ିଶା ସମାଚାର) –୨୦୧୭ ବିଶ୍ୱ ଐତିହ୍ୟ ସୂର୍ଯ୍ୟମନ୍ଦିରକୁ ଅଧିକ ଆକର୍ଷଣୀୟ ପର୍ଯ୍ୟଟକଙ୍କ ଆଗମନକୁ ଦୃଷ୍ଟିରେ ରଖି ଭାରତୀୟ ପର୍ଯ୍ୟଟନ ଉନ୍ନୟନ ନିଗମ (ଆଇଟିଡିସି) ଓ ରାଜ୍ୟ ପର୍ଯ୍ୟଟନ ବିଭାଗର ମିଳିତ ସହଯୋଗରେ ଆରମ୍ଭ ହୋଇଥିବା ଶବ୍ଦ ଓ ଆଲୋକର କାର୍ଯ୍ୟ ଶେଷ ପର୍ଯ୍ୟାୟରେ ପହଂଚିଛି । ଆଟିଡିସିର ମହାପ୍ରବନ୍ଧକ ଅନିଲ କୁମାର ଗୁପ୍ତା ଓ ବରିଷ୍ଟ କର୍ମଚାରୀ ବି.ଏନ ଶର୍ମା, ପୁରୀ ପର୍ଯ୍ୟଟନ ଅଧିକାରୀ ବିଜୟ କୁମାର ଜେନା, କୋଣାର୍କ ପର୍ଯ୍ୟଟନ ଅଧିକାରୀ ସରୋଜକାନ୍ତ ପ୍ରଧାନ ପ୍ରକଳ୍ପ ସ୍ଥଳରେ ଉପସ୍ଥିତ ରହି କାର୍ଯ୍ୟର ଅଗ୍ରଗତି ତଦାରଖ କରିଥିଲେ । ବର୍ତମାନ ସୁଧା ୯୫ ପ୍ରତିଶତ କାମ ଶେଷ ହୋଇଯାଇଛି । ଆସନ୍ତା ଜୁନ ମାସ ୫ତାରିଖ ପୂର୍ବରୁ ଶବ୍ଦ ଓ ଆଲୋକର ସମସ୍ତ କାର୍ଯ୍ୟକୁ ଶେଷ କରାଯାଇ ଉଦ୍ଘାଟନ ପାଇଁ ପ୍ରସ୍ତୁତ କରାଯିବ ବୋଲି ଟ୍ରାଇକଲର ଇଞ୍ଜିନିୟରମାନେ ସୂଚନା ଦେଇଛନ୍ତି । ସୂର୍ଯ୍ୟମନ୍ଦିରରେ ଖୁବଶୀଘ୍ର ଶବ୍ଦ ଓ ଆଲୋକ ପ୍ରକଳ୍ପକୁ ଲୋକାର୍ପଣ କରିବା ପାଇଁ ଭୁବନେଶ୍ୱର ଠାରେ ରାଜ୍ୟ ପର୍ଯ୍ୟଟନ ମନ୍ତ୍ରୀ ଅଶୋକ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଆଇଟିଡିସି, ରାଜ୍ୟ ପର୍ଯ୍ୟଟନ ବିଭାଗ ଓ ଭାରତୀୟ ପ୍ରତ୍ନତତ୍ୱ ସର୍ବେକ୍ଷଣ ସଂସ୍ଥାର ବରିଷ୍ଟ ଅଧିକାରୀମାନଙ୍କୁ ନେଇ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି । ଆସନ୍ତା ଜୁନ ମାସ ୫ ତାରିଖରେ ପ୍ରକଳ୍ପ ସହ ଜଡିତ ସବୁ ବିଭାଗର ବରିଷ୍ଠ ଅଧିକାରୀମାନେ କୋଣାର୍କ ଆସି ଶବ୍ଦ ଓ ଆଲୋକର କାର୍ଯ୍ୟଧାରା ତଦାରଖ କରିବା ସହିତ ସନ୍ଧ୍ୟା ସମୟରେ ସୂର୍ଯ୍ୟ ମନ୍ଦିରର ଜଗମୋହନ ଓ ନାଟ୍ୟମଣ୍ଡ ଉଜ୍ଜଳ ରଙ୍ଗିନ ଆଲୋକରେ କିଭଳି ପିତିୟମାନେ ହେଉଛି ଏବଂ ଏହାର ପ୍ରାଚୀନ ଐତିହ୍ୟ ସଂପର୍କରେ ଅବଗତ ହେବା । ସନ୍ଧ୍ୟା ସମୟରେ ସୂର୍ଯ୍ୟମନ୍ଦିର ପରିସରରେ ପର୍ଯ୍ୟଟକମାନେ ଏହି ଶବ୍ଦ ଓ ଆଲୋକକୁ ଉପଭୋଗ କରିପାରିବେ । ଏହି ସମୟରେ ପର୍ଯ୍ୟଟକଙ୍କ ସୁରକ୍ଷା, ଗମନାଗମନ, ରାତି୍ରରହଣି ଓ ଅନୁସାଙ୍ଗିକ ବ୍ୟବସ୍ଥାକୁ ମଧ୍ୟ ନଜରରେ ରଖାଯାଇଛି । ମନ୍ଦିରର ଦକ୍ଷିଣ ପାଶ୍ୱର୍ସ୍ଥ ଅଂଚଳରେ ୬ଟି ବଡ ଓ ୨ଟି ଛୋଟ ଅତ୍ୟାଧୁନିକ ପ୍ରୋଜେକ୍ଟର ମାଧ୍ୟମରେ ସୂର୍ଯ୍ୟ ମନ୍ଦିରର ଜଗମୋହନ ସମେତ ନାଟ୍ୟମଣ୍ଡକୁ ଉଜ୍ଜଳ ରଙ୍ଗିନ ଆଲୋକରେ ଆଲୋକିତ କରାଯିବା ସହ ସୂର୍ଯ୍ୟମନ୍ଦିର ପ୍ରାଚୀନ ଐତିହ୍ୟ ସଂପର୍କରେ ପର୍ଯ୍ୟଟକଙ୍କୁ ଅବଗତ କରାଯିବ । ସୂର୍ଯ୍ୟ ମନ୍ଦିର ପରିସରରେ ବିଗତ ୨୦୦୨ମସିହାରେ ଶବ୍ଦ ଓ ଆଲୋକ ବ୍ୟବସ୍ଥା କାର୍ଯ୍ୟକ୍ଷମ କରିବା ପାଇଁ ଯୋଜନା ପ୍ରସ୍ତୁତ ହୋଇଥିବା ବେଳେ ବହୁ ପ୍ରତିକ୍ଷାର ଅନ୍ତ ଘଟାଇ ତାହା ଏବ ସଫଳ ହେବାକୁ ଯାଉଛି ।
ସୂର୍ଯ୍ୟମନ୍ଦିର ପରିଦର୍ଶନରେ ଆସୁଥିବା ଦେଶ ବିଦେଶର ପର୍ଯ୍ୟଟକଙ୍କ ନିମନ୍ତେ ମନ୍ଦିରର ଦକ୍ଷିଣ ପାଶ୍ୱର୍ରେ ଥିବା ଖାଲିସ୍ଥାନ ଅଂଚଳରେ ଶବ୍ଦ ଓ ଆଲୋକକୁ ଉପଭୋଗ କରିବା ପାଇଁ ୨୫୦ସିଟି ବିଶିଷ୍ଟ ମୁକ୍ତାକାଶ ମଂଚର ବ୍ୟବସ୍ଥା କରାଯାଇଛି । ଏହି ସ୍ଥାନରେ ଏକ ସେଙ୍ଗ ୨୫୦ଜଣ ପର୍ଯ୍ୟଟକ ଚୈୟାର ବସି ୱାଇଫାଇ ହେଡଫୋନ ମାଧ୍ୟମରେ ସୂର୍ଯ୍ୟମନ୍ଦିର ପ୍ରାଚୀନ ଐତିହ୍ୟ ସଂପର୍କରେ ଅବଗତ ହେବାସହ ଆମ କଳା, ସ୍ଥାପତ୍ୟ, ଭାସ୍କର୍ଯ୍ୟ ଓ ସଂସ୍କୃତି ସଂପର୍କରେ ଅବଗତ ହୋଇପାରିବେ । ସନ୍ଧ୍ୟା ୬ଟାରୁ ରାତି ୮ଟା ପର୍ଯ୍ୟନ୍ତ ସୂର୍ଯ୍ୟମନ୍ଦିର ପ୍ରାଚିନ ଐତିହ୍ୟ ସଂପର୍କରେ ହିନ୍ଦୀରେ ସେଖର ସୁମନ, ଇଂରାଜୀରେ କବୀର ବେଦୀ ଓ ଓଡ଼ିଆରେ ବିଜୟ ମହାନ୍ତି ତଥ୍ୟଭିତିକ ବିଶଦ ବିବରଣୀ ସହ ରଙ୍ଗିନ ଆଲୋକରେ ସୂର୍ଯ୍ୟମନ୍ଦିର ଉଦଭାସିତ ହେବ । ଏଥିପାଇଁ ଟିକଟର ବ୍ୟବସ୍ଥା ରହିଛି ଯେଉଁ ପର୍ଯ୍ୟଟକମାନେ ଟିକେଟ୍ କିଣି ଚେୟାରରେ ବସି ହେଡଫୋନ ଲଗାଇବେ ସାମନଙ୍କ ବ୍ୟତିତ ଅନ୍ୟ କେହି ଶବ୍ଦକୁ ଶୁଣି ପାରିବେ ନାହିଁ ।
ଏହି ଡକୁ୍ୟମେଂଟାରୀ ଶବ୍ଦ ଓ ଆଲୋକ ଦ୍ୱାରା ବହୁ ତଥ୍ୟ ପର୍ଯ୍ୟଟକଙ୍କୁ ମିଳିପାରିବ ବୋଲି ଶ୍ରୀ ଗୁପ୍ତା କହିଛନ୍ତି । ଏହି ପ୍ରକଳ୍ପ ପାଇଁ ଆବଶ୍ୟକ ଅର୍ଥ ଭାରତୀୟ ପର୍ଯ୍ୟଟନ ଉନୟନ ନିଗମ ପକ୍ଷରୁ ୫କୋଟି ଓ ଓଡିଶା ପର୍ଯ୍ୟଟନ ଉନୟନ ନିଗମ ପକ୍ଷରୁ ୧କୋଟି ୪୬ଲକ୍ଷ ମୋଟ ୬କୋଟି ୪୬ଲକ୍ଷ ଟଙ୍କା ଯୋଗାଇ ଦିଆଯାଇଛି । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

5 × 4 =

Polls

ଭାରତରେ ବିମୁଦ୍ରାକରଣ ଯୋଗୁ ସାଧାରଣ ଲୋକେ ହଇରାଣ ହେଉଛନ୍ତି କି ?

View Results

Loading ... Loading ...