ଓଡ଼ିଶା ସମାଚାର

ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ : ୧୩୫ ପ୍ରଧାନଶିକ୍ଷକଙ୍କ ସମେତ ୫୩୯ ଶିକ୍ଷକ ପଦ ଖାଲି –

 Breaking News
  • ପଥର ବୋଝେଇ ଟ୍ରକକୁ ଧକ୍କା ଦେଲା ବୋଲେରୋ, ଜଣେ ମୃତ କେନ୍ଦ୍ରାପଡା,୨୨/୦୫/୨୦୧୯ (ଓଡ଼ିଶା ସମାଚାର)-ଏକ ପଥର ବୋଝେଇ ଟ୍ରକକୁ ଦ୍ରୁତଗାମୀ ବୋଲେରୋ ଧକ୍କା ଦେବାରୁ ଘଟଣାସ୍ଥଳରେ ଜଣେ ନାବାଳକର ମୃତ୍ୟୁ ହୋଇଯାଇଥିବା ଜଣା ପଡିଛି । ଘଟଣାରୁ ପ୍ରକାଶ ରାଜନଗର ଥାନା ରାଜରାଜଶ୍ୱେରପୁର ଗ୍ରାମର ରବିନ୍ଦ୍ର ମାଝିଙ୍କ ପୁଅ ବିଶ୍ୱଜିତ ମାଝି (୧୫)...
  • ଜିଲ୍ଲାକୁ ଗୌରବାନ୍ୱିତ କଲେ ସମୀକ୍ଷା ଓ ଶାନ୍ତ୍ୱନା କେନ୍ଦ୍ରାପଡା,୨୨/୦୫/୨୦୧୯ (ଓଡ଼ିଶା ସମାଚାର)-ଚଳିତ ମାଟ୍ରିକ ପରୀକ୍ଷାର ଫଳ ମଙ୍ଗଳବାର ଦିନ ପ୍ରକାଶିତ ହୋଇଛି । ଏଥିରେ ୨ ଜଣ ଛାତ୍ରୀ ଜିଲ୍ଲାରେ ସର୍ବୋଚ୍ଚ ନମ୍ବର ରଖି ଜିଲ୍ଲାକୁ ଗୌରବାନ୍ୱିତ କରିଥିବା ଜଣାପଡିଛି । ପୌରାଂଚଳ ଅନ୍ତର୍ଗତ ଭାରତୀ ବିଦ୍ୟା ମନ୍ଦିରର ଛାତ୍ରୀ...
  • ମାଟ୍ରିକ ପରୀକ୍ଷା ଫଳ ରାଜ୍ୟରେ ୭୨.୩୫ ପ୍ରତିଶତ ହୋଇଥିବା ବେଳେ ଜିଲ୍ଲାରେ ୭୨.୧୧ପ୍ରତିଶତ କେନ୍ଦ୍ରାପଡା,୨୨/୦୫/୨୦୧୯ (ଓଡ଼ିଶା ସମାଚାର)-ଚଳିତବର୍ଷ ମାଟ୍ରିକ ପରୀକ୍ଷା ଫଳ ରାଜ୍ୟରେ ୭୨.୩୫ ପ୍ରତିଶତ ହୋଇଥିବା ବେଳେ ଜିଲ୍ଲାରେ ୭୨.୧୧ ପ୍ରତିଶତ ହୋଇଛି । ରାଜ୍ୟରେ ଚଳିତ ବର୍ଷ ରେଗୁଲାର ପରୀକ୍ଷାର୍ଥୀ ୫ଲକ୍ଷ ୪୫ହଜାର ୩୬୨ ଫର୍ମ ପୁରଣ କରିଥିବା ବେଳେ ସେଥିରୁ ୯ହଜାର...
  • ପ୍ଲଟିଂ ଜମି ବ୍ୟବସାୟ ପାଇଁ ସରକାରୀ ଗୋଚର ଜମିକୁ ପୋତାଯାଉଛି କେନ୍ଦ୍ରାପଡା,୨୨/୦୫/୨୦୧୯ (ଓଡ଼ିଶା ସମାଚାର)-ପ୍ଲଟିଂ  ଜମି ବ୍ୟବସାୟ ନିମନ୍ତେ ଏକ ସରକାରୀ ଗୋଚର କିଷମ ଜମିକୁ ମାଟି ପକାଯାଇ ପୋତାଯାଉଥିବା ଅଭିଯୋଗ ହୋଇଛି । ଘଟଣାରୁ ପ୍ରକାଶ ଯେ କେନ୍ଦ୍ରାପଡା ଜିଲ୍ଲାର ମାର୍ଶାଘାଇ ତହସିଲ ଅନ୍ତର୍ଗତ ପଂଚାଣପୁର ମୈାଜାର ଖାତା ନମ୍ବର ୯୧...
  • ଜିଲ୍ଲା ସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟି ପ୍ରସ୍ତୁତି ବୈଠକ କେନ୍ଦ୍ରାପଡା,୨୨/୦୫/୨୦୧୯ (ଓଡ଼ିଶା ସମାଚାର)-ଜିଲ୍ଲାପାଳଙ୍କ କାର୍ଯ୍ୟାଳୟ ସଦଭାବନା ସମ୍ମିଳନୀ ଗୃହରେ ଆଜି ପୂର୍ବାହ୍ନରେ ଆଗାମୀ ବର୍ଷା ଋତୁରେ ସମ୍ଭାବ୍ୟ ବନ୍ୟା ଓ ବାତ୍ୟାକୁ ଦୃଷ୍ଟିରେ ରଖି ଜିଲ୍ଲା ସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟିର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ...
May 16
04:52 2019

                               ସରକାରୀ ହାଇସ୍କୁଲରୁ ମୁହଁ ଫେରାଉଛନ୍ତି ଅଭିଭାବକ

କେନ୍ଦୁଝରଗଡ, ୧୬/୦୫/୨୦୧୯ (ଓଡ଼ିଶା ସମାଚାର)- ବର୍ଷ ବର୍ଷ ଧରି ଶିକ୍ଷକ ପଦ ଖାଲି ପଡିବା ଯୋଗୁଁ ଆଦିବାସୀ ଅଧ୍ୟୁଷିତ କେନ୍ଦୁଝର ଜିଲାରେ ମାଧ୍ୟମିକ ସ୍ତରରେ ପରିଚାଳିତ ହାଇସ୍କୁଲ ଶିକ୍ଷା ଜିଲାବ୍ୟାପୀ ବିପର୍ଯ୍ୟସ୍ତ ହୋଇପଡିଛି । ଜିଲାରେ ମୋଟ ୪୭୩ ହାଇସ୍କୁଲ ମଧ୍ୟରୁ ୩୦ ଏପ୍ରିଲ ୨୦୧୯ ସୁଦ୍ଧା ୨୦୬ ସରକାରୀ ହାଇସ୍କୁଲରୁ ୧୯୫ ମଞ୍ଜୁରପ୍ରାପ୍ତ ପ୍ରଧାନଶିକ୍ଷକ ପଦ ମଧ୍ୟରୁ ୧୩୧ ପ୍ରଧାନଶିକ୍ଷକ, ୨୨୧ପିସିଏମ ପଦ ମଧ୍ୟରୁ ୨୫, ୨୦୬ ସିବିଜେଡ ମଧ୍ୟରୁ ୨୪, ୪୫୧ କଳାଶିକ୍ଷକ ମଧ୍ୟରୁ ୧୨୭, ୨୩ ଟି.ଆଇ ଶିକ୍ଷକ ମଧ୍ୟରୁ ୧୫, ୨୪ ଟି.ଏମ ମଧ୍ୟରୁ ୧୪, ୨୧୦ ସଂସ୍କୃତ ଶିକ୍ଷକ ମଧ୍ୟରୁ ୪୨, ୨୦୭ ହିନ୍ଦୀ ଶିକ୍ଷକ ମଧ୍ୟରୁ ୯୪ ଓ ୨୦୨ କ୍ରୀଡାଶିକ୍ଷକ ମଧ୍ୟରୁ ୬୨ ପଦକୁ ମିଶାଇ ମୋଟ ୫୩୯ ଶିକ୍ଷକ ପଦ ଖାଲି ପଡିବା ଜିଲାରେ ମାଧ୍ୟମିକ ଶିକ୍ଷାଦାନ ବ୍ୟବସ୍ଥା କିଭଳି ଚାଲିଥିବ ତାହା ଏଥିରୁ ସ୍ପଷ୍ଟ ବାରି ହୋଇଛି । ସେହିଭଳି ୧୯୬ କିରାଣୀ ପଦ ମଧ୍ୟରୁ ୮୪ କିରାଣୀ, ୪୫୦ ପିଅନ ମଧ୍ୟରୁ ୧୮୬ ଓ ୧୯୫ ରାତ୍ର ଜଗୁଆଳୀ ପଦ ମଧ୍ୟରୁ ୬୬ ପଦ ଖାଲି ପଡିଥିଲେ ହେଁ ଏହିସବୁ ପଦ ପୂରଣ ନହେବା ଦାୟିତ୍ୱରେ ଥିବା ବିଭାଗୀୟ ଅଧିକାରୀଙ୍କ ଆନ୍ତରିକତାକୁ ପଦାରେ ପକାଇଛି । ଜିଲାର ଅଗମ୍ୟ ଓ ପାହାଡିଆ ଅଂଚଳରେ ଥିବା ହାଇସ୍କୁଲରେ କାର୍ଯ୍ୟରତ ଅନେକ ଶିକ୍ଷକ ବିଭାଗୀୟ କର୍ମକର୍ତାଙ୍କ ହାତଚିକ୍କଣ କରି ସପ୍ତାହର ଅଧିକାଂଶ ଦିନ ସ୍କୁଲ ବାରଣ୍ଡା ନମାଡି ବ୍ୟକ୍ତିଗତ ବ୍ୟବସାୟରେ ବ୍ୟସ୍ତ ରହୁଥିବାରୁ ଛାତ୍ରଛାତ୍ରୀ ଓ ଅଭିଭାବକ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଆସୁଛି । ଏହିସବୁ କାରଣରୁ ଅଭିଭାବକ ସରକାରଙ୍କ ଦ୍ୱାରା ପରିଚାଳିତ ହାଇସ୍କୁଲରୁ ମୁହଁ ଫେରାଇ ଘରୋଇ ଉଦ୍ୟମରେ ପରିଚାଳିତ ସରସ୍ୱତୀ ଶିଶୁ ବିଦ୍ୟାମନ୍ଦିର କିମ୍ବା ଇଂରାଜୀ ମାଧ୍ୟମ ବିଦ୍ୟାଳୟରେ ସେମାନଙ୍କ ପିଲାଙ୍କୁ ଶିକ୍ଷାଦାନ ପାଇଁ ଅଧିକ ପସନ୍ଦ କରୁଥିବାରୁ ଜିଲାର ଅଧିକାଂଶ ସରକାରୀ ହାଇସ୍କଲରେ ଛାତ୍ର ଉପସ୍ଥାନ ଦିନକୁ ଦିନ ଅତିନଗଣ୍ୟ ଆଡକୁ ଗତି କରିବା ସହ ସ୍କୁଲ ବନ୍ଦ ପରିସ୍ଥିତିକୁ ପହଂଚିଲାଣି । ଗ୍ରୀଷ୍ମାବକାଶ ପରେ ନୂତନ ଶିକ୍ଷାବର୍ଷର ଶିକ୍ଷାଦାନ ଆରମ୍ଭ ହେବାକୁ ଥିବାବେଳେ ଛାତ୍ରଛାତ୍ରୀଙ୍କ ପାଇଁ ଉଦ୍ଦିଷ୍ଟ ପାଠ୍ୟପୁସ୍ତକ ମଧ୍ୟ ଏପଯ୍ୟନ୍ତ ଯୋଗାଣ ହୋଇ ନପାରିବା ପିଲାଙ୍କ ପାଠପଢ଼ା ନେଇ ଅଭିଭାବକ ଚିନ୍ତାଗ୍ରସ୍ତ ହୋଇପଡିଛନ୍ତି । ନବମ ଓ ଦଶମଶ୍ରେଣୀର ଅନୁସୂଚିତ ଜନଜାତି ଓ ଜାତିବର୍ଗର ଛାତ୍ରଛାତ୍ରୀଙ୍କୁ ସରକାର ମାଗଣାରେ ପାଠ୍ୟପୁସ୍ତକ ଯୋଗାଇଦେବା ବ୍ୟବସ୍ଥା ଥିବାବେଳେ ବର୍ତମାନ ସୁଦ୍ଧା ପାଠ୍ୟପୁସ୍ତକ ଯୋଗାଣ ହୋଇନାହିଁ । ସେହିଭଳି ସାଧାରଣବର୍ଗର ଛାତ୍ରଛାତ୍ରୀଙ୍କ ପାଇଁ ଖୋଲାବଜାରରୁ ପାଠ୍ୟପୁସ୍ତକ କ୍ରୟ କରିବାକୁ ଥିବାବେଳେ ଉକ୍ତ ପାଠ୍ୟପୁସ୍ତକ ମଧ୍ୟ ବଜାରରେ ଉପଲବ୍ଧ ନହେବାରୁ ଅଭିଭାବକ ପିଲାଙ୍କୁ ପାଠ୍ୟପୁସ୍ତକ ଯୋଗାଣ କରିନପାରିବା ନିରାଶ କରିଛି । ଅଧିକାଂଶ ବିଦ୍ୟାଳୟରେ ଗୁରୁତ୍ୱୂର୍ଣ୍ଣ ବିଜ୍ଞାନ, ଗଣିତ ଓ ଇଂରାଜୀ ଆଦି ଶିକ୍ଷକ ପଦ ଦୀର୍ଘବର୍ଷ ଧରି ଖାଲି ପଡିଥିବା କାରଣରୁ ଛାତ୍ରଛାତ୍ରୀ ଶିକ୍ଷାଗ୍ରହଣରୁ ବଂଚିତ ହେବାସହ ପରୀକ୍ଷାରେ ଅକୃତକାର୍ଯ୍ୟର ମୂଳ କାରଣ ପାଲଟିଛି । ଏକପକ୍ଷରେ ଗୋଟିଏ ସ୍କୁଲରେ ଚାକିରୀ ଆରମ୍ଭ କରି ଅବସରଗ୍ରହଣ କରୁଥିବା ଶିକ୍ଷକ ଓ କର୍ମଚାରୀଙ୍କ ବିରୁଦ୍ଧରେ ବହୁବାର ଅଭିଯୋଗ ସତ୍ୱେ ସେମାନଙ୍କୁ ରାଜନୈତିକ ଚାପ ଯୋଗୁଁ ବଦଳି କରାଯାଉନଥିବାରୁ କାରଣରୁ ବହୁ ହାଇସ୍କୁଲରେ ଶିକ୍ଷାଦାନ ଅନେକାଂଶରେ ବାଧାପ୍ରାପ୍ତ ହେବା ଅଭିଭାବକଙ୍କୁ ନିରାଶ କରିଛି । ବହୁ ଶିକ୍ଷକ ଓ କର୍ମଚାରୀ ବିଭାଗୀୟ କେତେକ ଦୁର୍ନୀତିଗ୍ରସ୍ତ କର୍ମଚାରୀଙ୍କୁ ହାତ କରି ଦୀର୍ଘବର୍ଷ ଧରି ନିଜ ପସନ୍ଦ ମୁତାବକ ସ୍କୁଲରେ ରହି ଅଧିକାଂଶ ସମୟ ନିଜକୁ ଶିକ୍ଷାଦାନରୁ ଦୂରେଇ ରଖି ପ୍ରତ୍ୟକ୍ଷ ଓ ପରୋକ୍ଷରେ ଲାଭଜନକ ବ୍ୟବସାୟରେ ସାମିଲ ହେଉଥିଲେ ମଧ୍ୟ ଏଭଳି ଶିକ୍ଷକ ଓ କର୍ମଚାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନଥିବାରୁ ଛାତ୍ରଛାତ୍ରୀ ଓ ଅଭିଭାବକ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଆସୁଛି । ଅପରପକ୍ଷେ ବହୁ ଆଦର୍ଶ ଶିକ୍ଷକଙ୍କୁ ଆକ୍ରୋଶମୂଳକ ଭାବେ ବଦଳି କରାଯିବା ସହ ଉକ୍ତ ବଦଳି ପଦକୁ ପୁରଣ କରାଯାଉ ନଥିବାରୁ ଶିକ୍ଷାଦାନ ବାଧାପ୍ରାପ୍ତ ହେବାରେ ଲାଗିଛି । ସେହିଭଳି ବହୁ ଶିକ୍ଷକ ଶିକ୍ଷାଦାନ ଠାରୁ ନିଜକୁ ଦୂରେଇ ରଖି ଗ୍ରାମ୍ୟ ରାଜନୀତି ତଥା ଲାଭଜନକ ବ୍ୟବସାୟ ସହ ଜଡିତ ରହୁଥିଲେ ହେଁ ସମ୍ପୃକ୍ତ ଶିକ୍ଷକଙ୍କୁ ଜିଲା ଶିକ୍ଷା ବିଭାଗର କେତେକ ଦୁର୍ନୀତିଗ୍ରସ୍ତ କର୍ମଚାରୀ ଘଂଟ ଘୋଡାଇ ପରୋକ୍ଷରେ ହାତ ଚିକ୍କଣ କରୁଥିବାରୁ ଜିଲାରେ ଶିକ୍ଷକ ବଦଳି ନୀତି ଗତ କିଛି ବର୍ଷ ଧରି ପ୍ରହସନରେ ପରିଣତ ହୋଇଛି । ସରକାରଙ୍କ ନୂତନ ନିଯୁକ୍ତି ଓ ବଦଳି ନୀତି ଅନୁଯାୟୀ ଅନଲାଇନ ଯୋଗେ ଆବେଦନ ପରେ ବିଚାରକୁ ନିଆଯାଉଥିବାରୁ ଖାଲି ପଡିଥିବା ପଦ ପୂରଣ କରିବା ଭଳି କ୍ଷମତା ପୂର୍ବଭଳି ଜିଲା ଶିକ୍ଷା ଅଧିକାରୀଙ୍କ କ୍ଷମତା ପରିସରଭୁକ୍ତ ନଥିବା କାରଣରୁ ବହୁ ସରକାରୀ ହାଇସ୍କୁଲରେ ଶିକ୍ଷକ ଖାଲି ଏବେ ଚିନ୍ତାର ବିଷୟ ପାଲଟିଛି ବୋଲି ଜିଲା ଶିକ୍ଷା ଅଧିକାରୀ କପିଳେନ୍ଦ୍ର ମିଶ୍ର କହିଛନ୍ତି । ଏହାସତ୍ୱେ୍ୱ ଜିଲାର ବହୁ ଗୁରୁତ୍ୱୂର୍ଣ୍ଣ ସରକାରୀ ହାଇସ୍କୁଲରେ ଖାଲି ପଡିଥିବା ଶିକ୍ଷକ ପଦ ପୂରଣ ଦିଗରେ ଜିଲା ଶିକ୍ଷା ଅଧିକାରୀ ସରକାରୀସ୍ତରେ ଆଲୋଚନା କରି ପଦକ୍ଷେପ ଗ୍ରହଣ ନକଲେ ଜିଲାରେ ମାଧ୍ୟମିକ ଶିକ୍ଷା ବ୍ୟବସ୍ଥା ଆହୁରି ଅଧିକ ବିପର୍ଯ୍ୟସ୍ତ ଆଡକୁ ଗତି କରିବ ଏଥିରେ ସନ୍ଦେହ ନାହିଁ । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment