ଓଡ଼ିଶା ସମାଚାର

ରାଜାରାଣୀ ସଙ୍ଗୀତ ଉତ୍ସବ ଉଦ୍ୟାପନୀ ସନ୍ଧ୍ୟାରେ ହିନ୍ଦୁସ୍ଥାନୀ କଣ୍ଠ ସଙ୍ଗୀତର ଯାଦୁକରୀ ମୁର୍ଚ୍ଛନା ସହିତ ବେହେଲା ବାଦନରେ ପ୍ରକମ୍ପିତ ରାଜାରାଣୀ ସଙ୍ଗୀତ ଉତ୍ସବ

 Current News

ରାଜାରାଣୀ ସଙ୍ଗୀତ ଉତ୍ସବ ଉଦ୍ୟାପନୀ ସନ୍ଧ୍ୟାରେ ହିନ୍ଦୁସ୍ଥାନୀ କଣ୍ଠ ସଙ୍ଗୀତର ଯାଦୁକରୀ ମୁର୍ଚ୍ଛନା ସହିତ ବେହେଲା ବାଦନରେ ପ୍ରକମ୍ପିତ ରାଜାରାଣୀ ସଙ୍ଗୀତ ଉତ୍ସବ

January 20
21:37 2018

ଭୁବନେଶ୍ୱର୨୦/୦୧/୨୦୧୮ (ଓଡ଼ିଶା ସମାଚାର)-ରାଜାରାଣୀ ସଙ୍ଗୀତ ମହୋତ୍ସବର ଆଜିଥିଲା ଅନ୍ତିମ ସନ୍ଧ୍ୟା  । ଭାରତୀୟ ଶାସ୍ତ୍ରୀୟ ସଙ୍ଗୀତର ବିଭିନ୍ନ ରାଗ ରାଗିଣୀର ହୃଦୟସ୍ପର୍ଶୀ ପରିବେଷଣ ସହିତ ଉତ୍ସବସ୍ଥଳର ଚମକ୍ରାର ସାଜସଜା ଏବଂ ୧୧ଶହ ଶତାବ୍ଦୀ ନିର୍ମିତ ରାଜାରାଣୀ ମନ୍ଦିରର ଅପୂର୍ବ କଳା ସ୍ଥାପତ୍ୟ ଏବଂ ସଙ୍ଗୀତମୟ ତଥା ମନୋମୁଗ୍ଧକର ପରିବେଶ ସୃଷ୍ଟି କରିପାରିଥିଲା  । ରାଜ୍ୟ ପର୍ଯ୍ୟଟନ ବିଭାଗ ଓ ଓଡ଼ିଶା ସଙ୍ଗୀତ ନାଟକ ଏକାଡ଼େମୀର ଏହି ପ୍ରଶଂସନୀୟ ପ୍ରୟାସ ବାସ୍ତବିକ ଶାସ୍ତ୍ରୀୟ ସଙ୍ଗୀତ ପ୍ରେମୀମାନଙ୍କୁ ଖୁବ୍ ଆନନ୍ଦ ଦେଇ   ପାରିଥିଲା  ।

ଅନ୍ତିମ ସନ୍ଧ୍ୟାର ପ୍ରଥମ କାର୍ଯ୍ୟକ୍ରମ ଥିଲା ବିଶିଷ୍ଟ ହିନ୍ଦୁସ୍ଥାନୀ କଣ୍ଠ ସଙ୍ଗୀତ ତଥା ଭକ୍ତିରସାତ୍ମକ ଗାୟକ ସଞ୍ଜିବ ଅଭୟଙ୍କରଙ୍କ କଣ୍ଠ ସଙ୍ଗୀତ ପରିବେଷଣ  । ତାଙ୍କର ପରିବେଷଣରେ ଥିଲା ରାଗ ୟମନ୍ ଖୟାଲ୍ ଓ ଏକତାଲରେ “”କହେ ସଖୀ, କୈସେ କେକରିୟୋ” ଓ ଦୃତ୍ – “”ସଖୀ ହେ ଆଜ ପିଆଜିକା” ।  ତାଙ୍କୁ ଯନ୍ତ୍ରାଂଶରେ ସହଯୋଗ କରିଥିଲେ ତବଲାରେ ଆଦିତ୍ୟ ଯୋଶୀ ଏବଂ ହାରମୋନିୟମରେ ଏମ୍. କୁଲକରଣୀ  । ନିଖୁଣ ଓ ସୁନ୍ଦର ରାଗ ବିସ୍ତାର, ତାନ ଓ ସରଗମ୍ର ବିଭିନ୍ନ କ୍ରିୟାତ୍ମକ ପରିବେଷଣ, ସୁଲଳିତ କଣ୍ଠରେ ବିଭିନ୍ନ କଳାକୌଶଳ ପ୍ରୟୋଗ ଇତ୍ୟାଦି ଦ୍ୱାରା ସେ ଉପସ୍ଥିତ ବିଦଗ୍ଧ ଶ୍ରୋତାମାନଙ୍କୁ ମନ୍ତ୍ରମୁଗ୍ଧ କରିଥିଲେ  ।

ସନ୍ଧ୍ୟାର ଦ୍ୱିତୀୟ କାର୍ଯ୍ୟକ୍ରମ ଥିଲା ଆନ୍ତର୍ଜାତୀୟ ଖ୍ୟାତି ସମ୍ପର୍ଣ୍ଣ ଯୁଗ୍ମ ବେହେଲା ବାଦକ ଗଣେଶ ଓ କୁମାରେଶଙ୍କ ଦ୍ୱାରା କର୍ଣ୍ଣାଟକୀ ସଙ୍ଗୀତରେ ବେହେଲା ବାଦନ  । ସେମାନଙ୍କର ସମସ୍ତ ପ୍ରସ୍ତୁତି ରାଗ ଆଦିତ୍ୟ ଉପରେ ନିବଦ୍ଧ ଥିଲା  । ବେହେଲା ବାଦନ ସହିତ ଗାୟନ ସ୍ୱତନ୍ତ୍ରତାକୁ ପ୍ରତିପାଦନ କରିଥିଲେ ଶିଳ୍ପୀ ଦ୍ୱୟ ଯାହା ଶ୍ରୋତାମାନଙ୍କୁ ସମ୍ମୋହିତ କରିବାରେ ସମର୍ଥ ହୋଇଥିଲା  । ତାଙ୍କ ସହ ମୃଦଙ୍ଗରେ ସହଯୋଗ କରିଥିଲେ ଆର. ଶଙ୍କର ନାରାୟଣ ଏବଂ ଘଟମ୍ରେ ତ୍ରି.ଜି ସ୍ୱାମୀ  ।

ଶେଷ ସନ୍ଧ୍ୟାର ଅତିଥିମାନେ ଥିଲେ ବିଖ୍ୟାତ ମର୍ଦଳ ବାଦକ ଗୁରୁ ଧନେଶ୍ୱର ସ୍ୱାଇଁ, ଭୁବନେଶ୍ୱର ମୁ୍ୟଜିକ୍ ସର୍କଲର କ୍ଷିରୋଦ ପଟ୍ଟନାୟକ ଏବଂ ଭୁବନେଶ୍ୱର ଦୂରଦର୍ଶନ କେନ୍ଦ୍ରର ପ୍ରକାଶ କୁମାର ମହାପାତ୍ର  । କାର୍ଯ୍ୟକ୍ରମକୁ ସଂଚାଳନା କରିଥିଲେ ଡ଼. ସଙ୍ଗୀତା ଗୋସାଇଁ ଓ ଡ଼. ଭିଦୁଲା ରାମଲକ୍ଷ୍ମୀ  । ପର୍ଯ୍ୟଟନ ବିଭାଗର ସହ ନିର୍ଦ୍ଧେଶକ ଡ଼. ସୁନିଲ କୁମାର ପଟ୍ଟନାୟକ, ସରୋଜ କୁମାର ଜେନା, ପ୍ରତାପଦେବ ରାଜ ଏବଂ ପର୍ଯ୍ୟଟନ ଅଧିକାରୀ ଡ଼. ରତିକାନ୍ତ ପଟ୍ଟନାୟକ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ  । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

one × three =