Something went wrong with the connection!

ଓଡ଼ିଶା ସମାଚାର

ଘଟଗାଁ:ବାରାହାଟିପୁରା ନୀଳକଣ୍ଠେଶ୍ୱର ମନ୍ଦିର ଓ ମକର ମେଳା

 Current News

ଘଟଗାଁ:ବାରାହାଟିପୁରା ନୀଳକଣ୍ଠେଶ୍ୱର ମନ୍ଦିର ଓ ମକର ମେଳା

January 12
20:31 2018
Share this...
Share on Facebook0Share on Google+0Tweet about this on TwitterShare on LinkedIn1

barahatipura
ଘଟଗାଁ,୧୨/୦୧/୨୦୧୮(ଓଡିଶାସମାଚାର)- ଓଡିଶାର ପ୍ରସିଦ୍ଧ ଶକ୍ତିପୀଠ ଘଟଗାଁ । ଅଧିଷ୍ଠାତ୍ରୀ ଦେବୀମା’ତାରିଣୀଙ୍କ ମନ୍ଦିର ପାଇଁ ଜନମାନସରେ ଘଟଗାଁ ବେଶ ପରିଚିତ । ସବୁସମୟରେ ଚଳଚଂଚଳ ରହେ ମଧ୍ୟ । ଏଠାରେ ପ୍ରତ୍ୟେହ ସକାଳ ୫ଟାରୁ ରାତି ୧୨ଟା ପର୍ଯ୍ୟନ୍ତ ହଜାର ହଜାର ଭକ୍ତଙ୍କ ସମାଗମ ହୁଏ । ଏଥି ଯୋଗୁ ଜନମାନସରେ ଘଟଗାଁ ପ୍ରସିଦ୍ଧି ଲାଭ କରିଛି । ଓଡିଶାର ଶକ୍ତିପୀଠ ମାନଙ୍କ ମଧ୍ୟରେ ଏହାର ସ୍ଥାନ ମଧ୍ୟ ରହିଛି । ଏଥି ସହକେନ୍ଦୁଝର ଜିଲ୍ଲାରେ ରହିଛି ବହୁ ପର୍ଯ୍ୟଟନ କ୍ଷେତ୍ରସହ ଅନେକ ପୂରାତନ ଶୈବପୀଠ । ଏହି ଶୈବମନ୍ଦିର ଗୁଡିକ ଗଢିଉଠିଛି ରାଜାରାଜୁଡା ସମୟରେ । ସେହି ଶୈବପୀଠ ମାନଙ୍କ ମଧ୍ୟରେ ଏକ ସ୍ୱତନ୍ତ୍ର ସ୍ଥାନ ପାଇ ପାରିଛି ବାରାହାଟିପୁରା ଗ୍ରାମ,ନୀଳକଣ୍ଠେଶ୍ୱର ମନ୍ଦିର ଏବଂ ମକର ମେଳା ପାଇଁ । ଘଟଗାଁ ଠାରୁ ୧୦ କି.ମି ଦୂର ଏହି ନୀଳକଣ୍ଠେଶ୍ୱର ମନ୍ଦିର । ଘଟଗାଁରୁ ୨ କିମି ଗଲା ପରେ ତରା ଛକ । ଏହି ଛକରୁ ତରା ରାସ୍ତାରେ ଗଲେ ପଡେ ବାରାହାଟିପୁରା ଗ୍ରାମ । ସେଠାରେ ମନ୍ଦିର ରହିଛି  ଏକ ସୁଉଚ୍ଚ ପାହାଡ ଉପରେ । ସବୁରି ମନରେ ପ୍ରଶ୍ନ ଉଠେ,ପାହାଡ ଉପରେ ମନ୍ଦିର ହେଲା କେମିତି । କିମ୍ବଦନ୍ତୀ କହେ,ଶବର ମାନେ ଆଳୁ ଖୋଳିବା ପାଇଁ ପାହାଡ ଉପରକୁ ଯାଇଥିଲେ । ଆଳୁ ଖୋଳୁଥିବା ସମୟରେ ସେଠାରେ ଏକ ଅଲୌକିକ ଘଟଣା ଘଟିଲା । ଖୋଳୁଥିବା ସ୍ଥାନର ଗୋଟିଏ ପଥରରୁ ରକ୍ତ ଝରିବା ଦେଖି ସମସ୍ତେ ଆଶ୍ଚର୍ଯ୍ୟ ଚକିତ ଏବଂ ଭୟଭୀତ ହୋଇ ଘର ମାନଙ୍କୁ ଫେରିଥିଲେ । ସେହି ଦିନ ରାତିରେ ଶବର ନେତାଙ୍କୁ ମହାଦେବଙ୍କର ସ୍ୱପ୍ନ ହେଲା । ରକ୍ତଝରିଥିବା ସେହି ପଥରର କ୍ଷତସ୍ଥାନରେ ଘିଅ,ମହୁ ଲେପନ ଦେବା ପାଇଁ । ଏହିଖବର ପହଂଚିଲା କେନ୍ଦୁଝର ରାଜାଙ୍କ ନିକଟରେ । ରାଜା ମନ୍ଦିର ନିର୍ମାଣ କଲେ । ଏହି ମନ୍ଦିର ୧୫୨ ପାହାଚ ବିଶିଷ୍ଟ । ପାହାଚ ସବୁ ଅତିକ୍ରମ କରିଗଲେ  ନୀଳକଣ୍ଠେଶ୍ୱରଙ୍କ  ଦର୍ଶନ ଲାଭ କରିହୁଏ । ମନ୍ଦିରକୁ ଯିବା ପାଇଁ ଆଉ ଏକ ରାସ୍ତା ରହିଛି । ଏହି ରାସ୍ତା ଦେଇ ଚାରି ଚକିଆ ଯାନରେ ମନ୍ଦିର ଉଚ୍ଚତାର ପ୍ରାୟ ଅଧା ପର୍ଯ୍ୟନ୍ତ ପହଂଚି ହେବ । ସେଠାରୁ ଅବଶିଷ୍ଟ ପାହାଚ ଚଢି ମନ୍ଦିରରେ ପହଂଚି ଦର୍ଶନ ଲାଭ କରିହୁଏ । ପୁଣି ରହିଛି ମକର ବେଢା ବୁଲିବା । ମକର ବେଢା ବୁଲିବା ପାଇଁବେଢାର ପ୍ରବେଶ ପଥରେ ଦୁଇଟି ବିଶାଳ ପଥର ଖଣ୍ଡ ମଝିରେ ଗଳିଗଳି ଯିବାକୁ ହୁଏ । ଶେଷରେ ଗୁରୁଣ୍ଡି ଗୁରୁଣ୍ଡି ପ୍ରବେଶ ପଥ ନିକଟରେ ଥିବା ଆଉ ଏକ ପଥରେ ବାହାରିବାକୁ ହୁଏ । ମନ୍ଦିର ଥିବା ଏହି ପାହାଡରେ ଆନନ୍ଦର ଉସô ଏବଂ  ଉଦ୍ଧୀପନାର ପ୍ରାଚୁର୍ଯ୍ୟ ଭରିରହି ମନ୍ଦିରକୁୁ ଆକର୍ଷଣୀୟ କରିରଖିଛି । ପାହାଡରେ ଥିବା ବିଶାଳ କାୟ ପଥର ସମୁହ ଏବଂ ଗଛ ଲତାର ଶୋଭାରାଜି ଆକର୍ଷଣର ଅନ୍ୟ ଏକ କାରଣ । ଏହି ବାରାହାଟିପୁରା ମନ୍ଦିର ପାଦ ଦେଶରେ ମକର ସଂକ୍ରାନ୍ତିରେ ବସେ ମେଳା । ବହୁବର୍ଷ ପୂର୍ବରୁ ମେଳା ବସୁଥିଲା ସାତ ଦିନ । ମନ୍ଦିର କର୍ତୃପକ୍ଷ ଏବଂ ବାରାହାଟିପୁରା ବାସୀଙ୍କ ଉଦ୍ୟମ କ୍ରମେ ମେଳା ୧୫ ଦିନ ରହୁଛି । ମେଳାକୁ ବିଭିନ୍ନ ଦୋକାନ ମାନ ଆସେ । ଏଥି ସହ ମୀନାବଜାର,ଦୋଳି,ସିନେମା,ମ୍ୟାଜିକସୋ,ଅପେରା ଆଦି ଦେଖିବାକୁ ମିଳେ । ମେଳାରେ ଲକ୍ଷାଧିକ ଲୋକଙ୍କ ସମାଗମ ହୋଇଥାଏ । ଆଦିବାସୀ ଅଧୁ୍ୟଷିତ କେନ୍ଦୁଝର ଜିଲ୍ଲାର ମକର ପର୍ବ ଏକ ବଡ ପର୍ବବୋଲି କୁହାଯାଏ । ବିଶେଷ କରି ସଂକ୍ରାନ୍ତି ଦିନ ମନ୍ଦିରରେ ଆଶାତୀତଭାବେ ଭିଡହୁଏ । ମନ୍ଦିରର ଶ୍ରୀ ବୃଦ୍ଧିକରାଗଲେ ପର୍ଯ୍ୟଟକ ସଂଖ୍ୟା ବୃଦ୍ଧି ପାଇପାରନ୍ତା ବୋଲି ସାଧାରଣରେ ମତ ପ୍ରକାଶ ପାଉଛି । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

two × three =

Polls

Sorry, there are no polls available at the moment.