Something went wrong with the connection!

ଓଡ଼ିଶା ସମାଚାର

ନୂଆଦିଲ୍ଲୀରେ ‘ମଙ୍ଗଳାଯୋଡି ଇନହେରିଟାନ୍ସ’ ଶୀର୍ଷକ ଫଟୋ ପ୍ରଦର୍ଶନୀ ଓ କର୍ମଶାଳା

 Current News

ନୂଆଦିଲ୍ଲୀରେ ‘ମଙ୍ଗଳାଯୋଡି ଇନହେରିଟାନ୍ସ’ ଶୀର୍ଷକ ଫଟୋ ପ୍ରଦର୍ଶନୀ ଓ କର୍ମଶାଳା

January 08
13:18 2018
Share this...
Share on Facebook0Share on Google+0Tweet about this on TwitterShare on LinkedIn0

 Mangalla Jodi

ଚିଲିକା ଆଗାମୀ ଦିନରେ ଦେଶରେଏକ ଆକର୍ଷଣୀୟ ପରିବେଶ ପର୍ଯ୍ୟଟନ ସ୍ଥଳୀ ଭାବେ ବିକଶିତ ହୋଇ ପାରିବ : ଧର୍ମେନ୍ଦ୍ର ପ୍ରଧାନ
ନୂଆଦିଲ୍ଲୀ / ଭୁବନେଶ୍ୱର, ୦୮/୦୧/୨୦୧୮ (ଓଡ଼ିଶା ସମାଚାର)-ଚିଲିକାର ଇକୋ ସିଷ୍ଟମ ଓଡିଶାର ଜନ ଭାବନା, ସଂସ୍କୃତି ଓ ଇତିହାସ ସହିତ ଅଙ୍ଗାଙ୍ଗୀ ଭାବେ ଜଡିତ । ତେଣୁ ଚିଲିକାର ସଂରକ୍ଷଣ ଅତ୍ୟନ୍ତ ଗୁରୁତ୍ୱପୂର୍ଣ । ଚିଲିକା ଆଗାମୀ ଦିନରେ ଭାରତ ବର୍ଷରେ ଏକ ଆକର୍ଷଣୀୟ ପରିବେଶ ପର୍ଯ୍ୟଟନ ସ୍ଥଳୀ ଭାବେ ବିକଶିତ ହୋଇ ପାରିବ ବୋଲି କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ନୂଆଦିଲ୍ଲୀର ଇଣ୍ଡିଆ ହ୍ୟାବିଟାଟ ସେଂଟର ଠାରେ ‘ମଙ୍ଗଳାଯୋଡି ଇନହେରିଟାନ୍ସ’ ଶୀର୍ଷକ ଏକ ଫଟୋ ପ୍ରଦର୍ଶନୀ ଓ କର୍ମଶାଳାର ଉଦଘାଟନ ଅବସରରେ ଶ୍ରୀ ପ୍ରଧାନ ଏହା କହିଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଚିଲିକାକୁ ଏକ ସୁନ୍ଦର ଇକୋ ଟୁରିଜିମ ଗନ୍ତବ୍ୟ ସ୍ଥଳ ଭାବରେ ବିକଶିତ କରିବା ପାଇଁ ଅନେକ ସମ୍ଭାବନା ରହିଛି । ଓଏନଜିସି ଚିଲିକାର ସଂରକ୍ଷଣ ଓ ସାମଗ୍ରିକ ବିକାଶ ସହ ଏହାକୁ ୟୁନେସ୍କୋର ମାନ୍ୟତା ପ୍ରଦାନ ପାଇଁ ପ୍ରକଳ୍ପ ହାତକୁ ନେଇଛି । ଏକ ବ୍ୟବସାୟିକ ସଂଗଠନ ଭାବେ ଓଏନଜିସି ଏକ ପ୍ରୋ ଆକ୍ଟିଭ କର୍ପୋରେଟ ସାମାଜିକ ଦାୟିତ୍ୱବୋଧ (ସିଏସଆର)ରେ ଏହି କାମ ହାତକୁ ନେଇଛି । ଶ୍ରୀ ପ୍ରଧାନ ଏଥି ପାଇଁ ୟୁନେସ୍କୋକୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ଯେ ଓଡିଶା ସରକାରଙ୍କ ସହ ମିଶି ତ୍ରିପାକ୍ଷିକ ପ୍ରୟାସ ଜରିଆରେ ଏହି କାମ ହାତକୁ ନେଇଛି । ଏହି ଅଂଚଳରେ କାମ କରିବା ପାଇଁ ରୁଚି ରଖୁଥିବା ସ୍ୱେଚ୍ଛାସେବୀ ସଂଗଠନ, ଚିଲିକା ଡେଭଲପମେଂଟ ଅଥରିଟି, ଓଡିଶା ସରକାର ସହ ମିଶି ଏ ଅଂଚଳରେ ପରିବେଶ ଆଧାରିତ ପର୍ଯ୍ୟଟନକୁ ନୂଆ ରୂପ ଦେବାର ଆବଶ୍ୟକତା ରହିଛି ବୋଲି ଶ୍ରୀ ପ୍ରଧାନ କହିଛନ୍ତି । ଚିଲିକାର ଆଖ ପାଖ ଅଂଚଳରେ ୨ ଶହରୁ ଅଧିକ ଗାଁ ରହିଛି । ଚିଲିକାକୁ ଏକ ଉଚ୍ଚ କୋଟିର ପରିବେଶ ପର୍ଯ୍ୟଟନ ସ୍ଥଳୀ ଭାବେ ବିକଶିତ କଲେ ଏହି ଗାଁ ଗୁଡିକର ଲୋକ ମାନେ ମଧ୍ୟ ଲାଭବାନ ହେବେ ବୋଲି ସେ କହିଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଚିଲିକାକୁ ଏକ ଆକର୍ଷଣୀୟ ପରିବେଶ ପର୍ଯ୍ୟଟନ ସ୍ଥଳୀ ରୁପେ ବିକଶିତ କରିବାର ଲକ୍ଷ୍ୟ ନେଇ ଏହି ଫଟୋ ପ୍ରଦର୍ଶନୀ ଓ କର୍ମଶାଳାର ଆୟୋଜନ କରାଯାଇଛି । ଚିଲିକାକୁ ୟୁନେସ୍କୋର ହେରିଟେଜ ମାନ୍ୟତା ହାସଲ କରିବା ପାଇଁ ବିଭିନ୍ନ କ୍ଷେତ୍ରର ବିଶେଷଜ୍ଞ ମାନଙ୍କର ମତ ନେଇ ଏ ଦିଗରେ ଅଗ୍ରସର ହେବା ଥିଲା ଏହି କର୍ମଶାଳା ଓ ଫଟୋ ପ୍ରଦର୍ଶନୀର ଉଦ୍ଧେଶ୍ୟ । ଏହି କାର୍ଯ୍ୟକ୍ରମକୁ ଓଏନଜିସି ଓ ଭୁବନେଶ୍ୱର ବାର୍ଡ ବାକ ପକ୍ଷରୁ ଆୟୋଜନ କରାଯାଇଥିଲା । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

5 × one =

Polls

Sorry, there are no polls available at the moment.