ଓଡ଼ିଶା ସମାଚାର

ଭଲ କାମ କରି ବିଜେଡିର ନାଁକୁ ଅକ୍ଷୁଣ୍ଣ ରଖ : ନବମ ଦିବସରେ ଦେବଗଡ଼ ଓ ସୁନ୍ଦରଗଡ଼ ଜିଲ୍ଲା ପଂଚାୟତ ପ୍ରତିନିଧିଙ୍କୁ ମୁଖ୍ୟମନ୍ତ୍ରୀଙ୍କ ପରାମର୍ଶ

ଭଲ କାମ କରି ବିଜେଡିର ନାଁକୁ ଅକ୍ଷୁଣ୍ଣ ରଖ : ନବମ ଦିବସରେ ଦେବଗଡ଼ ଓ ସୁନ୍ଦରଗଡ଼ ଜିଲ୍ଲା ପଂଚାୟତ ପ୍ରତିନିଧିଙ୍କୁ ମୁଖ୍ୟମନ୍ତ୍ରୀଙ୍କ ପରାମର୍ଶ

ଭଲ କାମ କରି ବିଜେଡିର ନାଁକୁ ଅକ୍ଷୁଣ୍ଣ ରଖ : ନବମ ଦିବସରେ ଦେବଗଡ଼ ଓ ସୁନ୍ଦରଗଡ଼ ଜିଲ୍ଲା ପଂଚାୟତ ପ୍ରତିନିଧିଙ୍କୁ ମୁଖ୍ୟମନ୍ତ୍ରୀଙ୍କ ପରାମର୍ଶ
April 21
04:01 2017

ଭୁବନେଶ୍ୱର, ୨୧/୦୪/୨୦୧୭(ଓଡ଼ିଶା ସମାଚାର) –ଜିଲ୍ଲାୱାରୀ ପଂଚାୟତ ପ୍ରତିନିଧିମାନଙ୍କ ସହ ବିଜେଡି ସଭାପତି ତଥା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସିଧାସଳଖ ଆଲୋଚନାର ଗୁରୁବାର ଥିଲା ନବମ ଦିବସ । ଏହି ଅବସରରେ ଦେବଗଡ଼ ଓ ସୁନ୍ଦରଗଡ଼ ଜିଲ୍ଲାର ତ୍ରିସ୍ତରୀୟ ପଂଚାୟତ ପ୍ରତିନିଧିମାନେ ବିଜୁ ଜନତା ଦଳ କାର୍ଯ୍ୟାଳୟକୁ ଆସି ମାନ୍ୟବର ମୁଖ୍ୟମନ୍ତ୍ରୀଙ୍କୁ ଭେଟି ସମୀକ୍ଷା ବୈଠକରେ ଅଂଶଗ୍ରହଣ କରିଥିଲେ । ମୁଖ୍ୟମନ୍ତ୍ରୀ ଦେବଗଡ଼ ଓ ସୁନ୍ଦରଗଡ଼ ଜିଲ୍ଲାର ବିଜୁ ଜନତା ଦଳର ଜିଲ୍ଲା ପରିଷଦ ସଭ୍ୟ ଓ ଦଳ ସମର୍ଥôତ ପ୍ରାର୍ଥୀ/ପ୍ରାର୍ଥୀନୀମାନେ ବିଜୟଲାଭ କରିଥିବା ସମସ୍ତ ପ୍ରତିନିଧିଙ୍କୁ ଧନ୍ୟବାଦ ଓ ଅଭିନନ୍ଦନ ଜଣାଇଥିଲେ ଏବଂ ଉଭୟ ଜିଲ୍ଲାରେ ସଂଗଠନକୁ ଅଧିକ ମଜଭୁତ କରିବାକୁ ପରାମର୍ଶ ଦେଇଥିଲେ । ।BJD 1

ବିଶେଷକରି ଦେବଗଡ଼ ଜିଲ୍ଲାର ରିଆମାଳ ବ୍ଲକ ଜିଲ୍ଲା ପରିଷଦ ସଭ୍ୟା ନିଶାନୀ ବେହେରା ୨୪୪୬ ଭୋଟ, ବାରକୋଟ୍ ବ୍ଲକ ବାସଳୋଇ ପଂଚାୟତ ସମିତି ସଭ୍ୟ ଭୁବନେଶ୍ୱର ପ୍ରଧାନ ୧୮୦୦ ଭୋଟ, ରିଆମାଳ ବ୍ଲକ ତାବଡ଼ା ସରପଂଚ ପାଞ୍ଜିଆ ଭୋଇ ୧୨୦୦ ଭୋଟ୍, ସୁନ୍ଦରଗଡ଼ ଜିଲ୍ଲା ୩୦ ନଂ ଜୋନ୍ର ଜିଲ୍ଲା ପରିଷଦ ସଭ୍ୟ କେଦାର ମହାନ୍ତ ୫୧୦୦ ଭୋଟ, ହେମଗିରି ବ୍ଲକ ସମିତି ସଭ୍ୟ ଯୁଧିଷ୍ଠିର ଗିଡଲି ୧୮୦୦ ଭୋଟ ଓ ରାଜଗାଙ୍ଗପୁର ବ୍ଲକ ଜାଉରମାଳ ସରପଂଚ ବିଜୟ ଲାକ୍ରା ୧୨୩୪ ଭୋଟ୍ରେ ବିଜୟୀ ହୋଇଥିବାରୁ ମୁଖ୍ୟମନ୍ତ୍ରୀ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ । ଏହି ସମୀକ୍ଷା ବୈଠକରେ ଉଭୟ ଜିଲ୍ଲାର ପଂଚାୟତ ପ୍ରତିନିଧିଙ୍କ ମୁଖ୍ୟତଃ ଅଭିଯୋଗ ଥିଲା ତୃଣମୂଳ ସ୍ତରରେ ସଂଗଠନକୁ ସୁଦୃଢ଼ କରିବ, ସ୍ୱାସ୍ଥ୍ୟ, ପାନୀୟ ଜଳ ଓ ଗମନାଗମନ କ୍ଷେତ୍ରରେ ଉନ୍ନତି କିପରି ହୋଇପାରିବ ।

BJD 2
ରିଆମାଳ ବ୍ଲକ ଉପାଧ୍ୟକ୍ଷ ବୈକୁଣ୍ଠନାଥ ପାଇକରାୟ ତାଙ୍କ ଅଂଚଳରେ ଥିବା ଟିକିରା ନଦୀ ଉପରେ ପୋଲ ଓ ମେଗା ଜଳସେଚନ ପ୍ରକଳ୍ପ, ତିଲେଇବଣି ବ୍ଲକ ଉପାଧ୍ୟକ୍ଷ ଭୂପିନ୍ଦର ପ୍ରସାଦ ନାୟକ ଜଳସେଚନ ଓ ପାନୀୟ ଜଳ ସମସ୍ୟାକୁ ନେଇ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ । ସେହିପରି ବଣାଇଗଡ଼ ଅଧ୍ୟକ୍ଷ ମଞ୍ଜୁଲତା କିଶାନ ବିଦୁ୍ୟତ, ରାସ୍ତା ଓ ଉପାଧ୍ୟକ୍ଷ ଡଲି ଦାସ ସଦର ଡାକ୍ତରଖାନାରେ ଏକ ଆହାର କେନ୍ଦ୍ରର ଆବଶ୍ୟକ ଥିବା କହିଥିଲେ । ହେମଗିରି ବ୍ଲକ ଅଧ୍ୟକ୍ଷ ତାଙ୍କ ଅଂଚଳରେ ସ୍ୱାସ୍ଥ୍ୟକେନ୍ଦ୍ରକୁ ଅଧିକ ଡାକ୍ତର ଦେବା ଓ କୋଇଲା ମାଫିଆଙ୍କ ପ୍ରାଦୁର୍ଭାବ ରୋକିବାକୁ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ । ଲାଠିକଟା ବ୍ଲକ ଅଧ୍ୟକ୍ଷ ରଞ୍ଜିତା ଖାଲକୋ କୋଏଲ ନଦୀ ଉପରେ ଏକ ବ୍ୟାରେଜ୍ ନିର୍ମାଣ ପ୍ରସ୍ତାବ ଦେଇଥିଲେ । ଜିଲ୍ଲା ପରିଷଦ ସଭ୍ୟ ମହେଶ ନାଗ, ମମତା ପାତ୍ର, ଲକ୍ଷ୍ମୀ କିଶାନ, ସାବିତ୍ରୀ ସିଂହ ପ୍ରମୁଖ ତାଙ୍କ ଅଂଚଳରେ ପାନୀୟ ଜଳ, ରାସ୍ତା, ଜଙ୍ଗଲ ଜମି ଆବଂଟନ ଓ ବିଦୁ୍ୟତର ସମସ୍ୟା ଥିବା ମୁଖ୍ୟମନ୍ତ୍ରୀଙ୍କୁ ନିବେଦନ କରିଥିଲେ । କୁଆଁରମୁଣ୍ଡା ବ୍ଲକ ଅଧ୍ୟକ୍ଷା ଓ ଉପାଧ୍ୟକ୍ଷ ନିଜ ଅଂଚଳର ଶିଳ୍ପାନୁଷ୍ଠାନରେ ସ୍ଥାନୀୟ ଜନସାଧାରଣଙ୍କୁ ନିଯୁକ୍ତି ଉପରେ ଗୁରୁତ୍ୱାରୋପ କରିଥିଲେ ।

BJD 3
ମୁଖ୍ୟମନ୍ତ୍ରୀ ଏହା ଶୁଣିବା ପରେ ସମସ୍ୟାଗୁଡିକୁ ଖୁବ୍ଶୀଘ୍ର ସମାଧାନ କରାଯିବ ବୋଲି ପ୍ରତିନିଧିମାନଙ୍କୁ କହିଥିଲେ । ରାଜ୍ୟ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ଓ କାର୍ଯ୍ୟକ୍ରମର ସୁଫଳ କିଭଳି ଲୋକମାନଙ୍କ ପାଖରେ ପହଂଚିବ ତାହାକୁ ସୁନିଶ୍ଚିତ କରିବା ପଂଚାୟତ ପ୍ରତିନିଧିମାନଙ୍କର ମୂଳ ଦାୟିତ୍ୱ ବୋଲି କହିବା ସହ ନିଜ ନିଜ ଅଂଚଳରେ ଲୋକପ୍ରତିନିଧି ହିସାବରେ ଭଲ କାମ କରି ଦଳର ନାମକୁ ଅକ୍ଷୁଣ୍ଣ ରଖିବାକୁ ତ୍ରିସ୍ତରୀୟ ପଂଚାୟତ ପ୍ରତିନିଧିମାନଙ୍କୁ ପରାମର୍ଶ ଦେଇଥିଲେ । ପରବର୍ତୀ ସମୀକ୍ଷା ବୈଠକ ୬ମାସ ପରେ ଅନୁଷ୍ଠିତ ହେବ ଏବଂ ସେଥିରେ ଏ ଭିତରେ ଦଳ ତରଫରୁ ଗ୍ରହଣ କରାଯାଇଥିବା କାର୍ଯ୍ୟାନୁଷ୍ଠାନର ସମୀକ୍ଷା କରାଯିବ ବୋଲି ସଭାପତି କହିଥିଲେ ।

BJD 4
ବୈଠକରେ ଦଳର ଉପସଭାପତି ତଥା ମୁଖପାତ୍ର ସୂର୍ଯ୍ୟ ନାରାୟଣ ପାତ୍ର ନିର୍ବାଚିତ ହୋଇ ଆସିଥିବା ପ୍ରତିନିଧି ଓ ଜିଲ୍ଲାର ଜନସାଧାରଣଙ୍କୁ ଧନ୍ୟବାଦ ଦେଇଥିଲେ । ସରକାରଙ୍କ ବିଭିନ୍ନ କାର୍ଯ୍ୟକ୍ରମର ସୁଫଳ କିଭଳି ଲୋକଙ୍କ ପାଖରେ ପହଂଚିବ ସେଥିନିମନ୍ତେ ଯନôବାନ ହେବା ପାଇଁ ସେ ପ୍ରତିନିଧିମାନଙ୍କୁ ଆହ୍ୱାନ କରିଥିଲେ । ସମୀକ୍ଷା ବୈଠକରେ ଦଳର ସାଧାରଣ ସଂପାଦକ ତଥା ବିଧାୟକ ଦେବାଶିଷ ସାମନ୍ତରାୟ ଓ ସୁନ୍ଦରଗଡ଼ ଜିଲ୍ଲା ପର୍ଯ୍ୟବେକ୍ଷକ ତଥା ବିଧାୟକ ପ୍ରଭାତ କୁମାର ବିଶ୍ୱାଳ ସମୀକ୍ଷା ବୈଠକ ପରିଚାଳନା କରିଥିଲେ । ଅନ୍ୟମାନଙ୍କ ମଧ୍ୟରେ ସାଧାରଣ ସଂପାଦକ ତଥା ବରିଷ୍ଠ ପର୍ଯ୍ୟବେକ୍ଷକ ପୂର୍ବତନ ମନ୍ତ୍ରୀ ପ୍ରଶାନ୍ତ ନନ୍ଦ, ସୁନ୍ଦରଗଡ଼ ଜିଲ୍ଲା ସଭାପତି ତଥା ବିଧାୟକ ମଙ୍ଗଳା କିଶାନ, ରଘୁନାଥପାଲ୍ଲୀ ବିଧାୟକ ସୁବ୍ରତ ତରାଇ, ରାଜ୍ୟ କୋଠା ଓ ଅନ୍ୟାନ୍ୟ ନିର୍ମାଣ ଶ୍ରମିକ କଲ୍ୟାଣ ବୋର୍ଡ ଅଧ୍ୟକ୍ଷ ସୁବାସ ସିଂହ, ଦେବଗଡ଼ ଜିଲ୍ଲା ପର୍ଯ୍ୟବେକ୍ଷକ ତଥା ବିଧାୟକ ସଂଜୀବ ସାହୁ, ପୂର୍ବତନ ମନ୍ତ୍ରୀ ଶାରଦା ନାୟକ, ବିଧାୟକ ବ୍ୟୋମକେଶ ରାୟ, ପୂର୍ବତନ ବିଧାୟକ ରାଜେନ୍ଦ୍ର ଦାସ, ରାଜ୍ୟ ପରିଷଦ ସଭ୍ୟ ବିନୟ ଟପ୍ପୋ, ଶ୍ରୀମତୀ କୁସୁମ ଟେଟେ, ଶ୍ରୀମତୀ ମଗଡଲି କଙ୍ଗଡୋ, ଦେବଗଡ଼ ଜିଲ୍ଲା ସଭାପତି ସୁଧୀର କର୍ପଦାର, ପୂର୍ବତନ ସମାଜ ମଙ୍ଗଳ ଅଧ୍ୟକ୍ଷା ନିବେଦିତା ନାୟକ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଜୟ ନାୟକ ପ୍ରମୁଖ ଉପସ୍ଥିତ ଥିଲେ । ଓଡ଼ିଶା ସମାଚାରBJD 5

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

7 + seventeen =