ଓଡ଼ିଶା ସମାଚାର

ବର୍ଷା ଓ ବନ୍ୟାଜଳ ନିଷ୍କାସନରେ ବ୍ୟାଘତ ସୃଷ୍ଟି ଯୋଗୁଁ କଣାସ ଅଂଚଳ ଧାନଜମି ବଣପାଲଟିଲାଣି

ବର୍ଷା ଓ ବନ୍ୟାଜଳ ନିଷ୍କାସନରେ ବ୍ୟାଘତ ସୃଷ୍ଟି ଯୋଗୁଁ କଣାସ ଅଂଚଳ ଧାନଜମି ବଣପାଲଟିଲାଣି

April 13
22:06 2017

କଣାସ,୧୩/୦୪/୨୦୧୭(ଓଡ଼ିଶା ସମାଚାର) – କେନ୍ଦ୍ର ଓ ରାଜ୍ୟସରକାର ଚାଷୀମାନଙ୍କର ଉନ୍ନତି ହେଲେ ଦେଶର ପ୍ରଗତି ସମ୍ଭବବୋଲି ଯୋଜନାପରେ ଯୋଜନାକରି କୋଟି କୋଟି ଟଙ୍କା ଖର୍ଚ୍ଚକରିଚାଲିଥିବା ଗଣମାଧ୍ୟମରେ ଡେଙ୍ଗୁରା ପିଟୁଥିବା ବେଳେ ପୁରୀଜିଲ୍ଲାର ସର୍ବାଧିକ ଖାଲୁଆ ଅଂଚଳଭାବେ ପରିଚିତ କଣାସ ବ୍ଲକରେ ପ୍ରବାହିତ ହେଉଥିବା ନଦୀ ଓ ନାଳର ଶର୍ଯ୍ୟା ପୋତିହୋପଡିଥିବା ଯୋଗୁଁ ବର୍ଷା ଓ ବନ୍ୟାଜଳ ନିଷ୍କାସନରେ ଗୁରୁତର ଭାବେ ବ୍ୟାଘାତ୍ ସୃଷ୍ଟି ହେଉଥିବାରୁ •ଷୀଜମିଗୁଡିକ ମୁଥା, ଜୁଣ, ବେଣା ବଣରେ ପରିଣତ ହେବାକୁ ବସିଲାଣି  । ଦୀର୍ଘ ୩୦ବର୍ଷ ହେଲା ଚାଷୀମାନେ ଜଳନିଷ୍କାସନ ହୋଇପାରୁନଥିବାରୁ ଶାରଦଧାନ ଫସଲହରାଇ ଦାଦନ ଖଟିବା ପାଇଁ ବାହାରାଜ୍ୟକୁ ପଳାଉଥିବା ଜଣାପଡିଛି  । ଖବରନେବାରେ ଜଣାପଡିଛି କଣାସ ବ୍ଲକ ୨୮ଗ୍ରାମପଂଚାୟତର ୧୩୯ଟି ରାଜସ୍ୱ ଓ ୧୦୮ପଡାଗ୍ରାମ ରହିଥିବା ବେଳେ ଏହାର ଆୟତନ ୧୮ହଜାର ୨୯୧ ହେକ୍ଟର  । ସେଥି ମଧ୍ୟରୁ ୧୭୭୪୩ ହେକ୍ଟର ଜମି ଚାଷୀ ଉପଯୋଗୀ ହୋଇଥିବା ବେଳେ ୫୪୮ହେକ୍ଟର ଗୋଚର ଓ ଅନାବାଦି ଜମିରହିଛି  । ୯ହଜାର ୩୦୦ହେକ୍ଟର ଧାନଜମିରେ ଶାରଦ ଧାନଫସଲ ହେଉଥିବା ବେଳେ ଅବଶିଷ୍ଠ ୭ହଜାର ୮୪୩ହେକ୍ଟର ଧାନଜମିରେ ଅତିତ୍ୟଧିକ ଜଳଜମିରହୁଛି  । ଉକ୍ତ ଜମିଗୁଡିକ ଦୀର୍ଘ ୩୦ବର୍ଷ ହେଲା ପଡିଆପଡି ରହିଥିବାରୁ ଏଥିରେ ପିରୁଡି, ମୁଥା, ଜୁଣ ଗଛ ଉଠିଲାଣି  । ମୁଖ୍ୟତଃ ଦୟା ଏବଂ ଲୁଣାନଦୀର ମଧ୍ୟବର୍ତୀ ଅଂଚଳ ଯାମଳଗୋଦା, ଗଡିଶାଗୋଦା, ଆଳିବାଡ, ଖଣ୍ଡହତା, ବିନ୍ଧଣ, ବିଜିପୁର, ଅଣ୍ଡାରସିଂହ, ଗଡସାହି ଗ୍ରାମପଂଚାୟତର ସମସ୍ତ ଚାଷଜମି ଚିଲିକା ଉପକୂଳରେ ହୋଇଥିାବରୁ ବର୍ଷା ଓ ବନ୍ୟାଜଳ ସଠିକ୍ ଭାବେ ନିଷ୍କାସନ ହୋଇପାରୁନାହିଁ  । ସେହିପରି କଣାସ, ସିରେଇ, ତ୍ରିଲୋଚନପୁର ପଂଚାୟତର ଅନେକ ଚାଷଜମିରେ ଜଳଜମି ରହୁଥିବାରୁ ଜମିଗୁଡିକ ପଡିଆପଡିବା ହେତୁ ପିରୁଡି, ମୁଥା, ଜୁଣ ବଣରେ ପରିଣତ ହୋଇଥିବା ଦେଖିବାକୁ ମିଳୁଛି  । ମକରା ଓ ଦୟାନଦୀର ମଧ୍ୟବର୍ତୀ ଅଂଚଳ, ମକରାନଦୀର ଡାହାଣପାଶ୍ୱର୍ କାଦୁଆ, ସାହୁପଡା, ବକୁ  ପଂଚାୟତର ଅନେକ ଜମି ଶାରଦଧାନଫସଲରୁ ବଂଚିିତ ହେଉଛି  । ଦୟା, ରାଜୁଆ, ମକରା, ଲୁଣା, ମଲାଗୁଣୀନଦୀକୁ ଜଳନିଷ୍କାସନ ହେବାକୁ ଥିବା ନାଳଗୁଡିକ ପୋତିହୋଇପଡିଛି ଫଳରେ ବର୍ଷା ଓ ବନ୍ୟାଜଳ ନିଷ୍କାସିତ ହୋଇନପାରି ସମାସ୍ୟା ଜଟିଳ ହେଉଛି  । ନଦୀଗୁଡିକ ଶଯ୍ୟା ମଧ୍ୟ ପୋତି ହୋଇପଡିଥିବାରୁ ମାସମାସ ଧରି କଣାସ ଅଂଚଳରେ ବର୍ଷା ଓ ବନ୍ୟାଜଳ ଜମିରହୁଛି  । ଫଳରେ କଣାସ ବ୍ଲକ ସମସ୍ତ ଚାଷଜମି ପଡିଆପଡିବା ସହିତ ଡେଲାଙ୍ଗ, ସତ୍ୟବାଦୀ, ପୁରୀସଦର, ବ୍ରହ୍ମଗିରୀ ବ୍ଲକର ଅନେକ ଚାଷଜମି ଚିଲିକାରେ ପରିଣତ ହେବାର ସମ୍ଭାବନା ସୃଷ୍ଟିହେଉଛି  । ଅନ୍ୟ ପକ୍ଷରେ •ଷୀମାନଙ୍କର ସମସ୍ୟା ଦିନକୁ ଦିନ ବଢି ବଢିଚାଲିଛି  । ସମସ୍ତ ଚାଷଜମିକୁ ଜଳସେଚନର ବ୍ୟବସ୍ଥାନଥିବାରୁ ମାତ୍ର ୪ହଜାର ୯୦୦ହେକ୍ଟର ଚାଷଜମିରେ ପାଣିମଡାଯାଇ ରବିଫସଲ ତଥା ଖରାଟିଆ ଧାନ ଚାଷହେଉଥିବା ଜଣାପଡୁଛି  । କଣାସ କେନାଲରେ ଆସୁଥିବା ଜଳ ୨ହଜାର ୬୦୦ହେକ୍ଟର ଜମିରେ ମାଡୁଥିବା ବେଳେ ବିଭିନ୍ନ ନଦୀରେ ବସିଥିବା ଏଲଆଇ ପଏନ୍ଟରେ ୧୪ଶହ ହେକ୍ଟର ଏବଂ ବିଭିନ୍ନ ନଦୀରୁ ପମ୍ପ ସାହାଯ୍ୟରେ ୯ଶହ ହେକ୍ଟର ଜମିକୁ ଜଳମଡାଯାଇ ଖରାଟିଆ ଧାନଚାଷ କରାଯାଉଥିବା ଏକ ସର୍ଭେରୁ ଜଣାପଡିଛି  । ଜଳନିଷ୍କାସନ ଓ ସମସ୍ତ ଚାଷଜମିକୁ ଜଳସେଚନର ବ୍ୟବସ୍ଥା କରିବା ପାଇଁ କଣାସ ଅଂଚଳର ଚାଷୀମାନେ ଦାବିକରିଛନ୍ତି  । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

sixteen − 10 =

Polls

ଭାରତରେ ବିମୁଦ୍ରାକରଣ ଯୋଗୁ ସାଧାରଣ ଲୋକେ ହଇରାଣ ହେଉଛନ୍ତି କି ?

View Results

Loading ... Loading ...