ଓଡ଼ିଶା ସମାଚାର

ସଂସ୍କୃତି ବିଭାଗ ପକ୍ଷରୁ ସପ୍ତାହବ୍ୟାପୀ ନବବର୍ଷ ସମାରୋହ ଉଦ୍ଘାଟିତ – ପଟ୍ଟଚିତ୍ର ଓ ଲଳିତକଳା ପ୍ରଦର୍ଶନୀ, ପୁସ୍ତକ ଲୋକାର୍ପିତ

ସଂସ୍କୃତି ବିଭାଗ ପକ୍ଷରୁ ସପ୍ତାହବ୍ୟାପୀ ନବବର୍ଷ ସମାରୋହ ଉଦ୍ଘାଟିତ – ପଟ୍ଟଚିତ୍ର ଓ ଲଳିତକଳା ପ୍ରଦର୍ଶନୀ, ପୁସ୍ତକ ଲୋକାର୍ପିତ

ସଂସ୍କୃତି ବିଭାଗ ପକ୍ଷରୁ ସପ୍ତାହବ୍ୟାପୀ ନବବର୍ଷ ସମାରୋହ ଉଦ୍ଘାଟିତ – ପଟ୍ଟଚିତ୍ର ଓ ଲଳିତକଳା ପ୍ରଦର୍ଶନୀ, ପୁସ୍ତକ ଲୋକାର୍ପିତ
April 09
14:39 2017

OS Red Logoଭୁବନେଶ୍ୱର, ୦୯/୦୪/୨୦୧୭ ( ଓଡ଼ିଶା ସମାଚାର)-ସଂସ୍କୃତି ବିଭାଗ ପକ୍ଷରୁ ଓଡ଼ିଆ ନବବର୍ଷ ପାଳନ ଉଦ୍ଧେଶ୍ୟରେ ସପ୍ତାହବ୍ୟାପୀ ଉତ୍ସବ ନବବର୍ଷ ଅନୁଚିନ୍ତା: ସଂସ୍କୃତି, ଐତିହ୍ୟ ଓ ପରମ୍ପରାର ପାର୍ବଣ ଆରମ୍ଭ ହୋଇଛି । ଉକ୍ରଳ ମଣ୍ଡପରେ ଅନୁଷ୍ଠିତ ବର୍ଣ୍ଣାଢ୍ୟ ଉତ୍ସବରେ ଗୃହ ଓ ନଗର ଉନ୍ନୟନ ମନ୍ତ୍ରୀ ପୁଷ୍ପେନ୍ଦ୍ର ସିଂହଦେଓ, ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଶ୍ରୀ ଅଶୋକ ଚନ୍ଦ୍ର ପଣ୍ଡା, ଉଚ୍ଚଶିକ୍ଷା, ବିଜ୍ଞାନ ଓ କାରିଗରୀ କୌଶଳ ମନ୍ତ୍ରୀ ଡ. ପ୍ରଦୀପ କୁମାର ପାଣିଗ୍ରାହୀ ଓ ସଂସ୍କୃତି ବିଭାଗ କମିଶନର ତଥା ଶାସନ ସଚିବ ମନୋରଞ୍ଜନ ପାଣିଗ୍ରାହୀ ଯୋଗଦେଇ ସମବେତ ଜନତାଙ୍କୁ ଓଡ଼ିଅ । ନୂଆବର୍ଷର ଶୁଭକାମନା ଜଣାଇଛନ୍ତି । ଏକ ଆକର୍ଷଣୀୟ ସୁସଜ୍ଜିତ ମଂଚରେ ଆୟୋଜିତ କାର୍ଯ୍ୟକ୍ରମରେ ପ୍ରଦୀପ ପ୍ରଜ୍ୱଳନ କରି ଅତିଥିମାନେ ସମାରୋହ ଉଦ୍ଘାଟନ କରିବା ପରେ ପୂର୍ବରୁ ଆୟୋଜିତ ଝୋଟି-ରେଙ୍ଗାଲି ଓ ହୁଳହୁଳି ପ୍ରତିଯୋଗିତାରେ ସଫଳତା ଅର୍ଜନ କରିଥିବା ମହିଳାମାନଙ୍କୁ ପୁରସ୍କୃତ କରାଯାଇଥିଲା । ମାମିନା ମିଶ୍ର, ସୁଚିସ୍ମିତା ସେନାପତି, ମାନସୀ ମିଶ୍ର, ମାମିନା ବେହେରା, ଶଶିପ୍ରଭା ଦାସ, ସଂଯୁକ୍ତା ବେହେରା, ବିନତିଲତା ସ୍ୱାଇଁ ଓ ଶାନ୍ତିଲତା ପାଣିଗ୍ରାହୀ ପ୍ରମୁଖ ପୁରସ୍କୃତ ହୋଇଥିବା ବେଳେ ବିଚାରକ ଭାବରେ ଦାୟିତ୍ୱ ନିର୍ବାହ କରିଥିବା ଡ. ମଞ୍ଜୁୁଳା ତ୍ରିପାଠୀ, ଅନୁରାଧା ଦାସ ଓ ତନୟା ଦାସ ଗୋସ୍ୱାମୀଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା । ପାଇକ ବିଦ୍ରୋହର ୨୦୦ ବର୍ଷ ପୂର୍ତି ଅବସରରେ ରାଜ୍ୟ ଅଭିଲେଖାଗାର ପକ୍ଷରୁ ପ୍ରକାଶିତ ପୁସ୍ତିକାକୁ ଅତିଥିମାନେ ଉନ୍ମୋଚନ କରିଥିଲେ । ଏହା ବ୍ୟତୀତ ଅଧ୍ୟାପକ ଲକ୍ଷ୍ମୀନାରାୟଣ ରାୟସିଂହଙ୍କ ରଚିତ ପାଇକ ବିଦ୍ରୋହ ଆଧାରିତ ପୁସ୍ତକ ଭାରତର ପ୍ରଥମ ଗଣବିପ୍ଳବଦ, ଡ. ରମେଶ ପ୍ରସାଦ ପାଣିଗ୍ରାହୀଙ୍କ ରଚିତ ଫେସ୍, ସର୍ଫେସ୍, ଇଂଟରଫେସ୍ ଇଂରାଜୀ ପୁସ୍ତକ ସମେତ ଅଶ୍ୱିନୀ କୁମାର ମିଶ୍ରଙ୍କ ରଚିତ “ମହାଦିଗନ୍ତ , ଅଜୟ ମହାପାତ୍ରଙ୍କ “ଦାଦନ ଓ ଡ. ଯଦୁମଣି ଦାସଙ୍କ “ଓଡ଼ିଅ । ପାଲା ସାହିତ୍ୟର ଉଦ୍ଭବ ଓ ବିକାଶ ଉନ୍ମୋଚିତ ହୋଇଥିଲା । ଉକ୍ରଳ ମଣ୍ଡପ ପରିସରରେ ଏହି ଅବସରରେ ଓଡ଼ିଶା ଲଳିତ କଳା ଏକାଡେମୀ ପକ୍ଷରୁ ଚିତ୍ର ପ୍ରଦର୍ଶନୀ ଓ ଓଡ଼ିଶା ରାଜ୍ୟ ସଂଗ୍ରହାଳୟ ପକ୍ଷରୁ ପଟ୍ଟଚିତ୍ର ପ୍ରଦର୍ଶନୀ ଆୟୋଜିତ ହୋଇଥିବାବେଳେ ଉଭୟକୁ ଅତିଥିମାନେ ଉଦ୍ଘାଟନ କରିଥିଲେ । ପରେ ଚିତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ନକ୍ଷତ୍ର ଗ୍ରୁପ୍ ଦ୍ୱାରା ରଘୁରାଜପୁରର ଗୋଟିପୁଅ ନୃତ୍ୟ ଆମେ ଓଡ଼ିଆ ପରିବେଷଣ ସାଙ୍ଗକୁ ଅନନ୍ୟା ଶ୍ରୀତମ୍ ନନ୍ଦ ଓ ତାଙ୍କର ସାଥୀଙ୍କ ସଂଗୀତ ସମବେତ ଶ୍ରୋତାମାନଙ୍କୁ ମନ୍ତ୍ରମୁଗ୍ଧ କରିଥିଲା । ଏହା ପୂର୍ବରୁ ପୂର୍ବାହ୍ନରେ ରାଜ୍ୟ ଅଭିଲେଖାଗାରରେ ଝୋଟିଚିତା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଶ୍ରୀ ପଣ୍ଡା ପ୍ରଦୀପ ପ୍ରଜ୍ୱଳନ କରି ଏହାକୁ ଉଦ୍ଘାଟନ କରିଥିଲେ ।
ପ୍ରକାଶ ଥାଉ କି, ଏହି ପ୍ରତିଯୋଗିତାରେ ୨୦୦ରୁ ଅଧିକ ଓ ହୁଳହୁଳି ପ୍ରତିଯୋଗିତାରେ ୧୩୦ରୁ ଅଧିକ ମହିଳା ଅଂଶଗ୍ରହଣ କରିଥିଲେ । ଅଭିଲେଖାଗାରର ଅଧୀକ୍ଷକ ଡ. ଭାଗ୍ୟଲିପି ମଲ୍ଲ କାର୍ଯ୍ୟକ୍ରମର ନେତୃତ୍ୱ ନେଇଥିଲେ । ଉଦ୍ଘାଟନ କାର୍ଯ୍ୟକ୍ରମରେ ଓଡ଼ିଶା ସାହିତ୍ୟ ଏକାଡେମୀର ସଭାପତି ହରିହର ମିଶ୍ର, ସଂଗୀତ ନାଟକ ଏକାଡେମୀ ସଭାପତି ତୃପ୍ତି ଦାସ, ସଚିବ ପ୍ରଦୀପ ମିଶ୍ର, ଲଳିତ କଳା ଏକାଡେମୀ ସଚିବ ତାରାକାନ୍ତ ପରିଡା, ରାଜ୍ୟ ସଂଗ୍ରହାଳୟର ଅଧୀକ୍ଷକ ଡ. ଜୟନ୍ତୀ ରଥ, ଓଡ଼ିଆ ଭାଷା ପ୍ରତିଷ୍ଠାନର ନିର୍ଦ୍ଧେଶିକା ତମସାରାଣୀ ଦାସମହାପାତ୍ରଙ୍କ ସମେତ ବହୁ ପଦାଧିକାରୀ ଉପସ୍ଥିତ ଥିଲେ । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

five + six =

Polls

ଭାରତରେ ବିମୁଦ୍ରାକରଣ ଯୋଗୁ ସାଧାରଣ ଲୋକେ ହଇରାଣ ହେଉଛନ୍ତି କି ?

View Results

Loading ... Loading ...