ଓଡ଼ିଶା ସମାଚାର

ଖଣି ଦୁର୍ନୀତିର ସି.ବି.ଆଇ. ତଦନ୍ତ ହେବା ଦରକାର: ଖାରବେଳ ସ୍ୱାଇଁ

ଖଣି ଦୁର୍ନୀତିର ସି.ବି.ଆଇ. ତଦନ୍ତ ହେବା ଦରକାର: ଖାରବେଳ ସ୍ୱାଇଁ

August 10
08:42 2017

ଭୁବନେଶ୍ୱର , ୧୦/୦୮/୨୦୧୭ ( ଓଡ଼ିଶା ସମାଚାର)- ଓଡିଶାରେ ବେଆଇନ ଭାବରେ ଖଣି ମାଲିିକମାନେ ଖଣିଜପଦାର୍ଥ ଉତୋଳନ କରି ବିକ୍ରି କରିଦେଇଥିବା ହେତୁ ଶେଷକୁ ସୁପ୍ରିମକୋର୍ଟ, ସେମାନଙ୍କ ଉପରେ ମାତ୍ର ୧୭ ହଜାର କୋଟି ଟଙ୍କା ଜୋରିମାନା କରିଛନ୍ତି । ଉକ୍ରଳ ଭାରତର ସଭାପତି ମହାମେଘବାହନ ଐର ଖାରବେଳ ସ୍ୱାଇଁ କହିଛନ୍ତି ଯେ ଏହା ଆଶ୍ଚର୍ଯ୍ୟଜନକ ଓ  ଦୁର୍ଭାଗ୍ୟପୂର୍ଣ୍ଣ ପୂର୍ଣ୍ଣ ଅଟେ । ସେ କହିଛନ୍ତି ଯେ, ଖଣି ଦୁର୍ନୀତି କଥା ପ୍ରଘଟିତ ହେବା ପରେ ନିଜକୁ ଦୋଷମୁକ୍ତ କରିବା ପାଇଁ ରାଜ୍ୟ ସରକାର ଖଣିମାଲିକମାନଙ୍କ ଉପରୁ ୬୦ ହଜାର କୋଟି ଟଙ୍କା ଜୋରିମାନା ଆଦାୟ କରିବାକୁ ଚାହିଁଥିଲେ । ଏଇ ବିଷୟରେ ତଦନ୍ତ କରିଥିବା ଶାହା କମିଟି ଏ ସମ୍ପର୍କରେ ସି.ବି.ଆଇ. ତଦନ୍ତ କରିବା ପାଇଁ ସୁପାରିଶ କରିନାହାନ୍ତି । ପୁନଶ୍ଚ ହାଇକୋର୍ଟରେ ସି.ବି.ଆଇ. ତଦନ୍ତ ହେବା ପାଇଁ ଜନସ୍ୱାର୍ଥ ମାମଲା ଆଗତ ହୋଇଥିଲେ ମଧ୍ୟ ଦୀର୍ଘ ୪ ବର୍ଷ ତଳେ ଏହାର ଶୁଣାଣି ସମାପ୍ତ ହୋଇଥିଲେ ସୁଦ୍ଧା ଏ ସମ୍ପର୍କରେ ରାୟ ବାହାରିନାହିଁ । ଶେଷକୁ ସୁପ୍ରିମକୋର୍ଟ ମଧ୍ୟ ସି.ବି.ଆଇ. ତଦନ୍ତ ହେବା ଚାହୁଁନାହାନ୍ତି । ଏହାର ଅର୍ଥ କ’ଣ ଏଇଆ ଯେ କେବଳ ଖଣିମାଲିକମାନେ ସବୁ ଖଣିଜ ପଦାର୍ଥକୁ ଖୋଳିନେଇ ବିକିଦେଲେ ତଥା ସରକାରଙ୍କୁ ପଇସା ଦେଲେନାହିଁ, ତେଣୁ ଏତେବଡ଼ କାଣ୍ଡ ଘଟିଗଲା ପରେ ମଧ୍ୟ ସରକାର ଏକଥା ଜାଣିପାରିଲେ ନାହିଁ?
ସୂଚନା ଯୋଗ୍ୟ ଯେ, ବର୍ଷ ବର୍ଷ ଧରି ପ୍ରତିଦିନ ସନ୍ଧ୍ୟାବେଳୁ ସକାଳ ପର୍ଯ୍ୟନ୍ତ ବଡବିଲ ପାଖରୁ ଜୋଡାଦେଇ କେନ୍ଦୁଝର ପର୍ଯ୍ୟନ୍ତ ରାସ୍ତା ଜାମ୍ ରହିଲା ଲୁାହପଥର ବୋଝେଇ ଟ୍ରକମାନଙ୍କୁ ନେଇ; କିନ୍ତୁ ସରକାରଙ୍କର କେହି ଏହାର ସୁରାକ ପାଇଲେ ନାହିଁ! ଏପରିକି ସେତେବେଳକାର ରାଜ୍ୟ ସରକାରଙ୍କର ଚାଣକ୍ୟ ପ୍ୟାରିମୋହନ ମହାପାତ୍ର ରାସ୍ତାରେ ଜୋଡା ଯାଇନପାରି ବାଧ୍ୟହୋଇ ହେଲିକୋପ୍ଟର ଯୋଗେ ସେଠାକୁ ଗଲେ ଓ ସେଠାରେ ଖଣି ମାଲିକମାନଙ୍କ ପାଖରୁ ନିର୍ବଚନୀ ଚାନ୍ଦା ଆଦାୟ କଲେ । ବିଜେପିର ଯେଉଁ ସାସଂଦ ଗୋଷ୍ଠୀ ଏହାର ଅନୁସନ୍ଧାନ କରିବା ପାଇଁ ଦିଲ୍ଲୀରୁ ଆସିଥିଲେ ସେମାନଙ୍କୁ ମଧ୍ୟ ସେହି ବିଜେପିର ସ୍ଥାନୀୟ ନେତାମାନେ ଜୋଡା ଯିବାକୁ ଦେଲେନାହିଁ କାରଣ ଖଣିମାଲିକମାନେ ସେମାନଙ୍କୁ ରୀତିମତ ଚାନ୍ଦା ଦେଉଛନ୍ତି । କେଙ୍ଗ୍ରସର ଅନେକ ଲୋକମାନଙ୍କର ଖଣି ସହିତ ସମ୍ପର୍କ ଅତି ପୂରୁଣା । ସେତେବେଳେ ଜାତୀୟ ରାଜପଥର କେନ୍ଦ୍ରାପଡାଠାରୁ ପାରଦୀପ ପର୍ଯ୍ୟନ୍ତ  ଗାଡ଼ି ଯୋଗେ ଯିବା ସମ୍ଭବ ହେଉନଥିଲା ପଥର ବୋଝେଇ ଟ୍ରକମାନେ ସେହି ଦୀର୍ଘ ୩୦ କିଲୋମିଟର ରାସ୍ତାକୁ ଏକପ୍ରକାର ଅବରୋଧ କରି ରଖୁଥିଲେ । ଯେଉଁମାନଙ୍କର ପାନ ଦୋକାନ ଥିଲା ସେମାନେ ଖଣି ଚୋରି କରି ପାଜେରୋ ଗାଡ଼ି ଚଢ଼ି ବୁଲିଲେ । ସେତେବେଳେ କାନ୍ଥମାନଙ୍କରେ ବିଜେପି ଲେଖିଥିଲା ‘‘ଖଣି ଚୋରକୁ ଧର, ସି.ବି.ଆଇ. ତଦନ୍ତ କର’’ । ଏବେ ବି ସେହି ଲେଖା କିଛି ଯାଗାରେ ରହିଛି । କିନ୍ତୁ ବିଜେପି ଦୀର୍ଘ ୩ ବର୍ଷରୁ ଉଦ୍ଧ୍ୱର୍ କାଳ ଶାସନରେ ଥିଲେ ମଧ୍ୟ ଏପର୍ଯ୍ୟନ୍ତ ଏହି ଲୁଟ୍ର ସି.ବି.ଆଇ. ତଦନ୍ତ କରାଯାଉନାହିଁ ।
ମୋଟଉପରେ କହିବାକୁ ଗଲେ ସାର ଓଡ଼ିଆ ଜାତିକୁ ଲୁଟିବା ପଛରେ ଖଣି ମାଲିକ, ରାଜନେତା, ସରକାର ଓ ଏପରିକି ନ୍ୟାୟପାଳିକା ମଧ୍ୟ ସମ୍ପୃକ୍ତ । ଓଡ଼ିଆ ଜାତିର ଇତିହାସରେ ଏପରି ଲୁଣ୍ଠନ କେବେହେଲେ ହୋଇନଥିଲା । ଖଣି ମାଲିକମାନଙ୍କ ପାଖରୁ ମାତ୍ର ୧୭ ହଜାର କୋଟି ଆଦାୟ କରିବା ଓ ଏହି ଲୁଣ୍ଠନକୁ ପୃଷ୍ଠପୋଷକ କରିଥିବା ରାଜନେତାମାନଙ୍କୁ କୌଣସି ତଦନ୍ତ ନକରି ଛାଡିÿଦେବା ଏକ ବିରାଟ ଅପରାଧ ।
ଉକ୍ରଳ ଭାରତକୁ ଯେତେବେଳେ ସୁଯୋଗ ମିଳିବ ଏହି ଲୁଣ୍ଠନର ତଦନ୍ତ କରିବ ଓ ଅପରାଧିମାନଙ୍କୁ ଉପଯୁକ୍ତ ଦଣ୍ଡ ଦେବ ବୋଲି ଶ୍ରୀ ସ୍ୱାଇଁ କହିଛନ୍ତି । ଓଡ଼ିଶା ସମାଚାର

Kharavela Swain

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

ten + one =

Polls

ଭାରତରେ ବିମୁଦ୍ରାକରଣ ଯୋଗୁ ସାଧାରଣ ଲୋକେ ହଇରାଣ ହେଉଛନ୍ତି କି ?

View Results

Loading ... Loading ...