ଓଡ଼ିଶା ସମାଚାର

ବଡଚଣା ରାଜନୀତି; ବିଜେଡି ଓ ବିଜେପିର ଲୋକ ପ୍ରିୟତା ହାସଲ ପାଇଁ ଉଦ୍ୟମ ପଛରେ ପଡିଛି କଂଗ୍ରେସ

ବଡଚଣା ରାଜନୀତି; ବିଜେଡି ଓ ବିଜେପିର ଲୋକ ପ୍ରିୟତା ହାସଲ ପାଇଁ ଉଦ୍ୟମ ପଛରେ ପଡିଛି କଂଗ୍ରେସ

August 09
20:42 2017

ଯାଜପୁର, ୦୯/୦୮/୨୦୧୭ ( ଓଡ଼ିଶା ସମାଚାର/ଏ.ରାଉତ) – ଆଗାମୀ ୨୦୧୯ ସାଧାରଣ ନିର୍ବାଚନକୁ ଆଖିଆଗରେ ରଖି ସମଗ୍ର ରାଜ୍ୟରେ ବିଜେଡି ଓ ବିଜେପି ବିଭିନ୍ନ ଢ଼ଙ୍ଗରେ ଲୋକ ପ୍ରିୟତା ହାସଲ କରିବା ପାଇଁ ଉଦ୍ୟମ ଜାରିରଖିଥିବା ବେଳେ ମୁଖ୍ୟ ବିରୋଧି ଦଳ କଂଗ୍ରେସ ପଛରେ ପଡିଥିବା ଦେଖିବାକୁ ମିଳିଛି  । ଯାଜପୁର ଜିଲା ବଡଚଣା ନିର୍ବାଚନ ମଣ୍ଡଳୀରେ ମଧ୍ୟ ଏକା ଅବସ୍ଥା ଗତ ପଂଚାୟତ ନିର୍ବାଚନ ପରଠାରୁ ଏଠାରେ ବିଜେଡି ୨୦୧୪ ଠାରୁ ଅଧିକ ଭୋଯ ବ୍ୟବଧାନ ପାଇ ସମସ୍ତ ୫ଟି ଜିଳାପରିଷଦ ଜିତିବା ଏବଂ କଂଗ୍ରେସକୁ ପଛରେ ପକାଇ ବିଜେପି ଦ୍ୱିତୀୟ ସ୍ଥାନରେ ରହ ନିଜର ଭୋଯ ବ୍ୟବଧାନ ଆାୁନୁରୂପ ବଢ଼ାଇବା ପରେ ଦଳ ଅଧିକ କ୍ରିୟାଶୀଳ ହୋଇଥିବା ଦେଖିବାକୁ ମଳିଛି  । ୨୦୧୪ ମସିହାରେ ଏଠାରେ ଶାସକ ଦଳର ପ୍ରାର୍ଥୀ ୫୨ ହଜାରରୁ ଉଦ୍ଧ୍ୱର୍ ଭୋଟ ପାଇ ବିଜୟୀ ହୋଇଥିବା ବେଳେ କଂଗ୍ରେସ ୩୨ ହଜାରରୁ ଉଦ୍ଧ୍ୱର୍ ଏବଂ ବିଜେପି ୪ ହଜାରରୁ ଉଦ୍ଧ୍ୱର୍ ଭୋଟ ପାଇବାରେ ସକ୍ଷମ ହୋଇଥିଲା କିନ୍ତୁ ଗତ ପଂଚାୟତ ନିର୍ବାଚନରେ ସ୍ଥତି ଓଲଟି ଯାଇଥିଲା  । ବିଜେଡି ୫୨ ହଜାରରୁ ୬୨ ହଜାର ଭୋଟ ପାଇଥିବା ବେଳେ ବିଜେପି ୪ ହଜାରରୁ ୩୦ ହଜାରକୁ ବୃଦ୍ଧି ପାଇଥିବା ବେଳେ ମୁଖ୍ୟ ବିରୋଧି ଦଳ କଂଗ୍ରେସ ୩୨ ହଜାରରୁ ୨୮ ହଜାରରୁ ଖସିଆସିଥିଲା  । ଫଳରେ ଏଠାରେ ଏବେ ବିଜେଡି ଓ ବିଜେପି ମଧ୍ୟରେ ବଳକସାକଷି ହେଉଥିବା ଦେଖିବାକୁ ମିଳିଛି  । ବିଜେଡିର ମଙ୍ଗ ଧରିଥିବା ଶାସକ ଦଳର ମୁଖ୍ୟ ସଚେତକ ଅମର ପ୍ରସାଦ ଶତପଥୀ ବିଭିୀନ୍ନ ସରକାରୀ ଯୋଜନାକୁ ଦଠିକ ଭାବେ କାର୍ଯ୍ୟକାରୀ କରିବା ଉପରେ ଗୁରୁତ୍ୱ ଦେଇ ପ୍ରତି ପଂଚାୟତକୁ ଗନଘନ ଗସ୍ତକରି ଲୋକ ସଂପର୍କ ରଖି ଦଳକୁ ଅଧିକ ମଜବୁତ କରିବାକୁ ଅନ୍ଟା ଭିଡିଛନ୍ତି  । ନିକଟରେ ଏହି ନିର୍ବାଚନ ମଣ୍ଡଳୀର ସିହା ଗ୍ରାମରେ ଉକôଳ ବିଶ୍ୱବିଦ୍ୟାଳୟର ଏକ ଦ୍ୱିତୀୟ ଗ୍ରାମୀଣ କ୍ୟାମ୍ପର ଭିର୍ତି ପ୍ରସ୍ତର ସ୍ଥାପନ କରିବା ସକ୍ଷମ ହୋପାରିଛନ୍ତି, ଯାହାକି ବଡଚଣା ଜନସାଧାରଣଙ୍କ ପାଇଁ ଏହା ଏକ ଐତିହାସିକ କାର୍ଯ୍ୟ ବୋଲି ସାଧାରଣରେ ପ୍ରମାଣିତ କରିପାରିଛନ୍ତି  । ଏଠାରେ ୬ଟି ଜିଲାର ଛାତ୍ରଛାତ୍ରୀମାନେ ବିଭିନ୍ନ ବିଭାଗର ଉଚ୍ଚ ଶିକ୍ଷା କରିପାରିବେ ବୋଲି ଜଣାଯାଇଛି  । ଏହି ପ୍ରକଳ୍ପକୁ ସମ୍ଭବତଃ ସବୁବର୍ଗର ଜନସାଧାରଣ ଗ୍ରହଣ କରିଛନ୍ତି, ଏପରିକି ଏହି କାର୍ଯ୍ୟକ୍ରମରେ ସବୁଦଳର ଲୋକ ଉପସ୍ଥିତ ରହିଥିବା ଦେଖିବାକୁ ମିଳିଥିଲା  । ଏହି ପ୍ରକଳ୍ପ ହେବାର ଠିକ କିଛି ଦିନପରେ ଚଣ୍ଡିଖୋଲରେ ପ୍ରଥମ ରାଜପଥ ଗ୍ରାମ ପ୍ରତିଷ୍ଠା କରିବାକୁ କେନ୍ଦ୍ର ସଡକ ଓ ପରିବହନ ମନ୍ତ୍ରୀ ଘୋଷଣା କରିଛନ୍ତି, ଯାହାକୁ ନେଇ ବିଜେପି ସମର୍ଥକଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି  । ଯାଜପୁର ଜିଲାକୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମୀତ ସାହାଙ୍କ ଗସ୍ତ ସହିତ ବିଭିନ୍ନ ସମୟରେ ବିଜେପି କେନ୍ଦ୍ର ମନ୍ତ୍ରୀଙ୍କ ଗସ୍ତକୁ ନେଇ ବିଜେପି ସମର୍ଥକଙ୍କ ମଧ୍ୟରେ ଏକ ପରିକଳ୍ପନା ବୋଲି ବିଜେପି କହୁଥିବା ବେଳେ ବିଜେଡି ମଧ୍ୟ ପଛରେ ପଡିନାହିଁ  । ବିଭିନ୍ନ ନୂତନ ଯୋଜନାରେ ଉନ୍ନୟନ କାର୍ଯ୍ୟ ଧାରା ଜାରିରଖି ଲୋକ ପାଖରେ ପହଂଚି ପାରିଛି  । ବଡଚଣାରେ ଦିର୍ଘ ଦିନ ଧରି ସ୍ୱାଧୀନ ସଂଗଠନର ନେତୃତ୍ୱ ନେଉଥିବା ଯୁବ ନେତାଙ୍କୁ ବିଜେପି ଦଳରେ ସାମିଲ କରିବା ପରେ ଦଳ ଅଧିକ ସଂଗଠିତ ହୋଇଥିବା ବେଳେ ଗତ ପଂଚାୟତ ନିର୍ବାଚନରେ ଦଳୀୟ ଟିକଟକୁ ନେଇ ବିଜେଡି ଦଳର କିଛି ଆଗଧାଡିର କର୍ମୀ ଓ ନେତା ଦଳ ଠାରୁ ଦୂରେଇ ରହିଥିଲେ, କିନ୍ତୁ ଦଳର ନେତୃତ୍ୱ ନେଉଥିବା ସରକାରୀ ଦଳର ମୁଖ୍ୟ ସଚେତକ ସେମାନଙ୍କ ସହିତ ଯୋଗସୂତ୍ର କରି ନିଜ ଅଧିନକୁ ଆଣିବାରେ ବେଶ ସକ୍ଷମ ହୋଇଛନ୍ତି  । ସେହିପରି ବିଜେପି କେନ୍ଦ୍ର ସରକାରଙ୍କ ଲୋକ ପ୍ରିୟତାକୁ ଆଧାରକରି ସମର୍ଥନ ଯୋଗାଡ କରିବାରେ ଲାଗିବଡିଛି  । କିନ୍ତ ଏଠାରେ ବିଜେପିର ନେତୃତ୍ୱ ନେଉଥିବା ରାଜ୍ୟ ସଂପାଦିକା ସୀମନ୍ତିନୀ ଜେନା ଏବଂ ଅନ୍ୟ ନେତୃତ୍ୱଙ୍କ ମଧ୍ୟରେ ସମନ୍ୱୟର ଅଭାବ ହୋଇଥିବା ପରିଲକ୍ଷିତ ହୋଇଛି  । ଫଳରେ ସାଧାରଣ ଲୋକଙ୍କ ନିକଟରେ ଏହି ବାର୍ତା ପହଂଚିବା ଦ୍ୱାରା ବିଜେପିରେ ସାମିଲ ହେବାକୁ ଆଶା ବାନ୍ଧିଥିବା କିଛି ଲୋକେ ଏବେ କୁନ୍ଠାବୋଧ କରୁଥିବା ଦେଖିବାକୁ ମିଳିଛି  । ଅପରପକ୍ଷରେ ମୁଖ୍ୟ ବିରୋଧି ଦଳ ସାଜିଥିବା କଂଗ୍ରେସ ଏକ ପ୍ରକାର ନିରବ ହୋଇପଡିଥିବା ଦେଖିବାକୁ ମିଳିଛି  । ରାଜ୍ୟ କଂଗ୍ରେସର ଦଳୀୟ କନ୍ଦଳ ଯୋଗୁଁ ଏଠାରେ ଅନେକ କଂଗ୍ରେସ କର୍ମୀ ଦଳ ଛାଡି ବିଜେଡି ଓ ବିଜେପିରେ ସାମିଲ ହୋଇସାରିଛନ୍ତି  । ଏପରିକି ଦଳର ନେତୃତ୍ୱ ନେଉଥିବା ନେତା କେବଳ ଦଳୀୟ କାର୍ଯ୍ୟ ଛଡା ଅନ୍ୟ କୌଣସି ସାମାଜି କାର୍ଯ୍ୟକ୍ର୍ୟମରେ ତାଙ୍କୁ ଦେଖିବାକୁ ମିଳୁନାହିଁ  । ଫଳରେ ଲୋକେ କଂଗ୍ରେସ ପ୍ରତି ଆଗ୍ରହ ହରାଇ ବିକଳ୍ପ ବ୍ୟବସ୍ଥାରେ ରହିଛନ୍ତି  । ଏସବୁ ସତ୍ୱେ ଆଗାମୀ ଦିନରେ କେଉଁପାଣି କୁଆଡେଯାଉଛି ତାହା ସମୟ କହିବ ବୋଲି ଆଲୋଚନା ହେଉଛି  । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

seventeen + two =