ଓଡ଼ିଶା ସମାଚାର

ରାଜ୍ୟସ୍ତରୀୟ ଜାତୀୟ ହସ୍ତତନ୍ତ ଦିବସ ପାଳିତ

ରାଜ୍ୟସ୍ତରୀୟ ଜାତୀୟ ହସ୍ତତନ୍ତ ଦିବସ ପାଳିତ

August 08
15:26 2017

ଭୁବନେଶ୍ୱର, ୦୮/୦୮/୨୦୧୭(ଓଡ଼ିଶା ସମାଚାର)- ଆସନ୍ତା ଦୁଇ ବର୍ଷ ମଧ୍ୟରେ ରାଜ୍ୟର ସମସ୍ତ ବୁଣାକାରଙ୍କୁ ସରକାରଙ୍କ ସମସ୍ତ ଯୋଜନାର ଅନ୍ତର୍ଭୁକ୍ତ କରାଯିବ । ଘରୋଇଭାବେ ଏହି କୌଳିକ ବୃତିରେ କାର୍ଯ୍ୟରତ ସମସ୍ତ ବୁଣାକାରଙ୍କୁ କୋଅପରେଟିଭ୍ ଅଧୀନକୁ ଅଣାଯିବ । ସେମାନଙ୍କର ଜୀବନ ଜୀବିକା ସହ ଶିକ୍ଷା, ସ୍ୱାସ୍ଥ୍ୟ ଏବଂ ଅର୍ଥନୈତିକ ଅଭିବୃଦ୍ଧିକୁ ଅଗ୍ରାଧିକାର ଦେଇ ସରକାର ଅନେକ ଯୋଜନା ପ୍ରଣୟନ କରୁଛନ୍ତି । ରାଜ୍ୟର ବୁଣାକାରମାନଙ୍କ ନିମନ୍ତେ ଏକ ସମନ୍ୱିତ ଡାଟାବେସ୍ ନିର୍ମାଣ ନିମନ୍ତେ ଉଦ୍ୟମ ଜାରି ରହିଛି । ଆଗାମୀ ଦିନରେ ଇ-ବାଣିଜ୍ୟ ବ୍ୟବସ୍ଥା ସହ ରାଜ୍ୟର ପ୍ରତ୍ୟେକ ତନ୍ତୁବାୟ ସହଯୋଗ ସମିତିକୁ ସଂଯୋଗ କରାଯିବ । ଏହା ଦ୍ୱାର ସେମାନେ ସିଧାସଳଖ ଅନଲାଇନ୍ ବିକ୍ରି ବଟାର ସୁବିଧା ପାଇପାରିବେ । ଏତଦ୍ ବ୍ୟତୀତ ଆଧୁନିକ ପ୍ରତିଯୋଗିତାମୂଳକ ବସ୍ତ୍ର ବଜାରରେ ତିଷ୍ଠି ରହିବା ନିମନ୍ତେ ନମୂନା ବିକାଶ ପାଇଁ ଗୁରୁ୍ବ ଦିଆଯିବ ଏବଂ ଜାତୀୟ ପୁରସ୍କାରପ୍ରାପ୍ତ ବୁଣାକାର ମାନଙ୍କ ନିମନ୍ତେ ସ୍ୱତନ୍ତ୍ର କାର୍ଯ୍ୟକ୍ରମ ଗ୍ରହଣ କରାଯିବ ବୋଲି ଜାତୀୟ ହସ୍ତତନ୍ତ ଦିବସ ରାଜ୍ୟସ୍ତରୀୟ ସମାରୋହକୁ ଉଦ୍ଘାଟନ କରି ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ ମତବ୍ୟକ୍ତ କରିଛନ୍ତି ।ଆଜି ପୂର୍ବାହ୍ନରେ ଜୟଦେବ ଭବନଠାରେ ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ତଥା ବୟନିକା ଆନୁକୂଲ୍ୟରେ ଅନୁଷ୍ଠିତ ଉତ୍ସବରେ ଯୋଗଦେଇ ମନ୍ତ୍ରୀ ଶ୍ରୀମତୀ ଛୁରିଆ କହିଲେ, ବୁଣାକାରମାନେ ହେଉଛନ୍ତି ଆମ ରାଜଞର ଗର୍ବ ଓ ଗୌରବ । ସେହି ମାନଙ୍କ ମାଧ୍ୟମରେ ଆମ କଳା, ସଂସ୍କୃତି, ଐତିହ, ପରମ୍ପରା, ଭାସ୍କର୍ଯ୍ୟ, ନୃତ୍ୟ, ସଙ୍ଗୀତ ସମଗ୍ର ବିଶ୍ୱରେ ଅନନ୍ୟ ପରିଚୟ ପାଇଛି । ଆମ ହସ୍ତତନ୍ତର ସମଗ୍ର ବିଶ୍ୱର ପ୍ରସିଦ୍ଧି ରହିଛି । ତେଣୁ ବୁଣାକାର ମାନଙ୍କ ସାମଗି୍ରକ ବିକାଶ ପାଇଁ ସମସ୍ତେ ସହଯୋଗର ହାତ ବଢ଼ାଇବା ନିମନ୍ତେ ମନ୍ତ୍ରୀ ଶ୍ରୀମତୀ ଛୁରିଆ ଆହ୍ୱାନ ଦେଇଥିଲେ ।
ଏହି ରାଜ୍ୟସ୍ତରୀୟ ଉତ୍ସବ ପାଳନ ଅବସରରେ ୭୫ ବର୍ଷରେ ଉଦ୍ଧ୍ୱର୍ କାର୍ଯ୍ୟରତ ତିନୋଟି ପ୍ରାଥମିକ ତନ୍ତୁବାୟ ସହଯୋଗ ସମିତିଙ୍କୁ ପୁରସ୍କାର, ସର୍ବୋଚ୍ଚ ବିକ୍ରୀ ନିମନ୍ତେ ତିନୋଟି ପ୍ରାଥମିକ ବୁଣାକାର ସମବାୟ ସମିତିଙ୍କୁ ପୁରସ୍କାର, ଅତି କୁଶଳୀ ବୁଣାକାରମାନଙ୍କୁ ୨୦୧୫-୧୬ ବର୍ଷ ପାଇଁ ରାଜ୍ୟ ହସ୍ତତନ୍ତ ପୁରସ୍କାର ପ୍ରଦାନ କରାଯାଇଥିଲା । ୨୦୧୬ ମସିହାରେ ଆରମଭ ହୋଇଥିବା ବରିଷ୍ଠ ବୁଣାକାର ସହାୟତା ଯୋଜନାରେ ୩୧୧ ଜଣ ହିତାଧିକାରୀଙ୍କୁ ଅନ୍ଲାଇନ୍ ଜରିଆରେ ବ୍ୟାଙ୍କ ଆକାଉଂଟକୁ ଭତାପ୍ରଦାନ ଯୋଜନାର ଶୁଭାରମ୍ଭ କରାଯାଇଥିଲା । ଉକ୍ରୃଷ୍ଟ ହସ୍ତତନ୍ତ ବସ୍ତ୍ରର ଏକ ସୁନ୍ଦର ପ୍ରଦର୍ଶନୀ ବୁଣାକାର ସେବା କେନ୍ଦ୍ର (ଭାରତ ସରକାର) ଏବଂ ହସ୍ତତନ୍ତ ଶିଳ୍ପ ବିଭାଗ ଓଡ଼ିଶାର ମିଳିତ ଉଦ୍ୟମରେ ଆୟୋଜିତ ହୋଇଥିଲା ।ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

8 + 4 =