ଓଡ଼ିଶା ସମାଚାର

ଧୋକ୍ା ଦେଲାଣି ମୌସୁମୀ,ଚାଷୀଙ୍କ ଚିନ୍ତା ବଢୁଛି

ଧୋକ୍ା ଦେଲାଣି ମୌସୁମୀ,ଚାଷୀଙ୍କ ଚିନ୍ତା ବଢୁଛି

ଧୋକ୍ା ଦେଲାଣି ମୌସୁମୀ,ଚାଷୀଙ୍କ ଚିନ୍ତା ବଢୁଛି
July 09
09:35 2017

ପାଟକୁରା ୦୯/୦୭/୨୦୧୭(ଓଡ଼ିଶା ସମାଚାର)-ଆଷାଢ ମାସ ଅଧା ହେବାକୁ ବସିଲାଣି ,ମାତ୍ର ଏ ଯାଏ ବର୍ଷାର ଦେଖା ନାହିଁ । ମାସକ ତଳେ ଆସିଥିବା ମୌସୁମୀ  କେଉଁ ଆଡେ ହଜି ଯିବାକୁ ବସିଲାଣି । ପାଟକୁରା ଅଂଚଳର ଚାଷୀମାନେ ବର୍ଷା ପାଇଁ ଧାନ ତଳି ପ୍ରସ୍ତୁତି କରିବାକୁ ଆକାଶକୁ ଚାହିଁ ବସିଛନ୍ତି । ବର୍ଷା ଚାଷୀମାନଙ୍କୁ ଧୋକା ଦେଇ ଚାଲିଛି ବୋଲି  ଚାଷୀମାନେ ପ୍ରକାଶ କରିଛନ୍ତି । ପ୍ରତ୍ୟେକ ଦିନ ସକାଳ ଓ ସଂଧ୍ୟା ସମୟରେ ଅଂଚଳରେ ଆକାଶରେ କଳାହାଣ୍ଡଆି ମେଘ ଘୋଟି ଆସୁଛି ,ହେଲେ ବର୍ଷା ହେବା ଆଗରୁ ସେ କେଉଁ ଆଡେ ମିଳାଇ ଯାଉଛି । ଫଳରେ ବର୍ଷା ପାଇଁ ଚାଷୀମାନଙ୍କର ଚିନ୍ତା ବଢି ଯାଉଛି । ଚଳିତ ବର୍ଷ ଆଗତୁରା ମୌସୁମୀ ଆସୁଥିବାର ସୂଚନା ପାଇବା ଓ ପ୍ରାକ୍ ମୌସୁମୀ ବର୍ଷା ହେବା ପରେ ପରେ ପାଣିପାଗ ଠିକ୍ ରହିବା ଅନୁମାନ କରି ଚାଷୀମାନେ ଆନନ୍ଦିତ ହୋଇ ପଡିଥିଲେ ଓ ବିଅଳି ଧାନ ବୁଣିବା ସହିତ ଖାଲ ପାଟ ଜମିମାନଙ୍କରେ ବୁଣାବୁଣି କାର୍ଯ୍ୟ ସାରି ଦେଇଥିଲେ । ବର୍ଷା ହେଲେ ଧାନ ତଳି ପ୍ରସ୍ତୁତି ପାଇଁ ଅପେକ୍ଷାରେ ରହିଥିଲେ ।  ସେହିପରି ମୌସୁମୀର ଆଗମନରେ ଚାଷୀମାନେ ସଅଳ  ଅମଳକ୍ଷମ ବିଅଳି ଧାନ ବିହନ ବୁଣାବୁଣି କରି ଦେବା ସହିତ ଅନେକ ସ୍ଥାନରେ ବତୁରି ତଳି ପକାଇ ଦେଇଥିଲେ । ମୌସୁମୀ ପ୍ରବେଶ ସହିତ  ବୁଣା ଯାଇଥିବା ବିଅଳି ଧାନ ଓ ବତୁରି ତଳି ଗଛଗୁଡିକ ମଧ୍ୟ ଉଠିଯାଇଥିଲା । ଅଛରା ତଳି ପାଇଁ ଆବଶ୍ୟକ ବର୍ଷା ହେଉ ନ ଥିବା  ଓ ତଳି ପକାଇବା ବିଳମ୍ବ ହୋଇଯାଉଥିବା ଯୋଗୁଁ ବହୁ ଚାଷୀମାନେ ନିକଟସ୍ଥ ଗାଡିଆ ପୋଖରୀ ଆଦି ଜଳାଶୟମାନଙ୍କରୁ ପାଣି ନେଇ ତଳି  ପକାଇଥିବାର ଦେଖାଯାଇଛି । ବାହୁଡା ଯାତ୍ରା ପରେ ପରେ ଯଦି ବର୍ଷା ସ୍ୱଭାବିକ ଭାବରେ ହୋଇଥାଆନ୍ତା ତେବେ କେତେକ ଚାଷୀମାନେ ବିଅଳି ଧାନକୁ ବେଉଷଣ କରିବା ପାଇଁ ପ୍ରସ୍ତୁତି କରିଥିଲେ ।  ମାତ୍ର ଏବେ ବର୍ଷା ନ ଥିବାରୁ ତଳି ଉଠି ପାରୁ ନ ଥିବାବେଳେ, ବିଅଳି ଧାନ ଗଛଗୁଡିକର ପତ୍ର କେତେକ ସ୍ଥାନରେ ନାଲି ପଡିଗଲାଣି । କେତେକ ସ୍ଥାନରେ ବୁଣାଯାଇଥିବା ଧାନ ଗଛ , ବିଅଳି ଓ ଧାନ ତଳିଗୁଡିକ ବର୍ଷାଭାବରୁ ବଢି ପାରୁ ନାହ÷ିଁ ।  ଧାନ ଗଛର ପତ୍ରଗୁଡିକ ନାଲି ପଡିଯିବାକୁ ବସିଲାଣି । ପୂର୍ବରୁ ସ୍ୱଳ୍ପ ପରିମାଣର ବର୍ଷା ହେବା ଯୋଗୁଁ  ଅନେକ ସ୍ଥାନରେ ଧାନ ଗଛ ଉପରେ ପ୍ରବଳ ବେଗରେ ଘାସ ଗଛ  ସବୁ ମାଡିବାକୁ ବସିଛି । ଏ ନେଇ ଚାଷୀମାନେ ଚିନ୍ତାରେ ପଡିଯାଇଛନ୍ତି । ଅଂଚଳରେ ଥିବା ଉଠା -ଜଳସେଚନ ପ୍ରକଳ୍ପ ଗୁଡିକ କାର୍ଯ୍ୟକାରୀ ହୋଇ ପାରି ନାହିଁ । ଯଦି ଆସନ୍ତା ସପ୍ତାହ ସୁଦ୍ଧା ବର୍ଷା ନ ହେଲା ,ତେବେ ଚଳିତ ବର୍ଷର ଖରିଫ ଧାନ ଫସଲ ବିଗିଡିଯିବାର ଆଶଙ୍କା ରହୁଛି ।  ତେଣୁ ଉଠା-ଜଳସେଚନ ପ୍ରକଳ୍ପ ସଚଳ ରହିଛି ଓ ଯେଉଁ ସ୍ଥାନରେ ପାଣି ପଂଚାୟତମାନ ଗଠନ କରାଯାଇଛି ସେଗୁଡିକୁ ତୁରନ୍ତ କାର୍ଯ୍ୟକ୍ଷମ କରିବା ପାଇଁ    ଚାଷୀମହଲରୁ ଦାବି ହେଉଛି । ପ୍ରକାଶ ଯେ ଗରଦପୁର ବ୍ଲକ ଅନ୍ତର୍ଗତ ବେଡାରୀ,ପାଟକୁରା ଓ ପଦ୍ମପୁର ପଂଚାୟତମାନଙ୍କରେ ଚାଷୀମାନଙ୍କ ପାଇଁ ଉଠା ଜଳସେଚନ ପାଇଁ ବ୍ୟବସ୍ଥା ଥିଲେ ମଧ୍ୟ ଜଳସେଚନ ପାଇଁ ଅନ୍ୟ କୌଣସି ବ୍ୟବସ୍ଥା ନାହିଁ ।  ଅଂଚଚଳରେ ରହିଥିବା ଜୋର,ଖାଲ,ପାଟିଆ ଆଦି ଜଳାଶୟଗୁଡିକ ବର୍ଷା ଅଭାବରୁ ଶୁଖିଲା ପଡିଛି । ହେଉଥିବା ଟାଣ ଖରା ଧାନଗଛ ଗୁଡିକୁ ଅଧିକ ବାଧିବ ହୋଲି ଚାଷୀମାନେ ପ୍ରକାଶ କରିଛନ୍ତି । ଓଡ଼ିଶା ସମାଚାର Patakura 1

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

15 − 6 =