ଓଡ଼ିଶା ସମାଚାର

ରେଳ ଫାଟକକୁ ଫ୍ଲାଏ ଓଭର କରିବାକୁ ଦାବି

ରେଳ ଫାଟକକୁ ଫ୍ଲାଏ ଓଭର କରିବାକୁ ଦାବି

ରେଳ ଫାଟକକୁ ଫ୍ଲାଏ ଓଭର କରିବାକୁ ଦାବି
April 21
11:24 2017

ଯାଜପୁର, ୨୧/୦୪/୨୦୧୭(ଓଡ଼ିଶା ସମାଚାର/ଅକ୍ଷୟ ରାଉତ) – ଯାଜପୁର ଜିଲା ଜେନାପୁର ଷ୍ଟେସନ ଅନତି ଦୂରରେ ଅବସ୍ଥିତ ରେଳ ଫାଟକଟି ମୁଖ୍ୟରାସ୍ତା ଉପରେ ଯାଇଥିବାରୁ ରେଳଗାଡି ଯିବା ସମୟରେ ଫାଟକଟି ଅନେକ ସମୟ ଧରି ପଡିରହିବା ଦ୍ୱାରା ଯାତାୟତ କରିବାରେ ବହୁ ଅସୁବିଧା ହେଉଥିବା ଦେଖିବାକୁ ମିଳୁଛି । ଏହି ସମସ୍ୟା ଦୀର୍ଘଦିନ ହେବ ଲାଗି ରହିଥିବାରୁ ଏଠାରେ ଏକ ଫ୍ଲାଏ ଓଭର ବ୍ରିଜ୍ ନିର୍ମାଣ କରିବାକୁ ବହୁବାର ଦାବି ହୋଇଆସୁଅଛି । ହେଲେ ଏଥିପ୍ରତି ବିଭାଗ ଅଣଦେଖା କରୁଥିବା ନେଇ ଅଭିଯୋଗ ହେଉଅଛି । ପ୍ରକାଶ ଥାଉକି ଆଜକୁ ଶହେ ବର୍ଷରୁ ଉର୍ଦ୍ଧ ହେବ ଜେନାପୁର ଷ୍ଟେସନ ନିର୍ମାଣ ପରେ ଜେନାପୁରକୁ ସଂଯୋଗ କରୁଥିବା ମୁଖ୍ୟ ରାସ୍ତା ଉପରେ ରେଳଧାରଣାଟି ଯାଇଥିବାରୁ  ଏହି ସମସ୍ୟା  ଲାଗିରହିଛି । ଏବେ ମୁଖ୍ୟତ ଜରୁରୀ ସେବା ଯୋଗାଉଥିବା ୧୦୮ ଓ ୧୦୨ ଆମ୍ବୁଲାନ୍ସ ଫାଟକ ନିକଟରେ ବହୁ ସମୟ ଅଟକି ରହିବାରୁ ରୋଗୀମାନେ ମୃତୁ୍ୟ ମୁଖରେ ପଡୁଛନ୍ତି । ସେହିପରି ଜେନାପୁର ଅଂଚଳରେ ଅଗ୍ନିକାଣ୍ଡ ଘଟିଲେ ନିକଟରେ କୌଣସି ଅଗ୍ନିଶମ ବିଭାଗ ନଥିବାରୁ ୮ କିମି ବ୍ୟବଧାନରେ ଥିବା ଚଢେଇଧରାକୁ ଫୋନ କଲେ ଅଗ୍ନିଶମ ବାହିନୀ ଆସି ସେହି ଫାଟକ ନିକଟରେ ବହୁ ସମୟ ଅଟକି ରହିଥାଏ । ଫଳରେ ଘଟଣା ସ୍ଥଳରେ ପହଂଚିବାକୁ ବିଳମ୍ବ ହୋଇଥାଏ ।  ଯାହାଦ୍ୱାରା ଘରଟି ସଂପୂର୍ଣ୍ଣ  ପୋଡିଯାଇ ଲକ୍ଷାଧିକ ଟଙ୍କାର ସମ୍ପତି ନଷ୍ଟ ହେବା ସହିତ ଜୀବନ ହାନି ମଧ୍ୟ ଘଟିଥାଏ । ଏହିଭଳି ଅନେକ ସମ୍ବେଦନଶୀଳ ଘଟଣା ବହୁବାର ଘଟିବାରେ ଲାଗିଛି ।  ହେଲେ ଏଥିପ୍ରତି କାହାର ଦୃଷ୍ଟି ଥିବାଭଳି ଜଣାଯାଏ ନାହିଁ । ଖାଲି ସେତିକି ନୁହେଁ ଜେନାପୁର ଅଂଚଳରେ ୨ଗୋଟି ମେଡିକାଲ, ସ୍କୁଲ, କଲେଜ, ପୋଷ୍ଟ ଅଫିସ୍ ଓ ବ୍ୟାଙ୍କ ଆଦି ରହିଥିବାରୁ ଜେନାପୁର ଉପରେ ବହୁ ଲୋକ ନିର୍ଭର କରିଥାନ୍ତି । ଏପରିକି ପାଖଆଖ ୮ ଗୋଟି ପଂଚାୟତ ଯଥା ଏଣ୍ଡଳବା, ରେଖିଦେଇପୁର, ମଧୁସୂଦନପୁର, ଚକ୍ରଧରପୁର, ପୁରୁଣାବଉଳମାଳ, ତାଳଜଙ୍ଗ, ମହିଶରା ଓ ସଂପାରୁ ଆଦି ପଂଚାୟତର ରୋଗୀସେବା ପାଇବା ନିମନ୍ତେ ଜେନାପୁର ଓ କବାଟବନ୍ଧ ଡାକ୍ତରଖାନାକୁ ଦୈନିକ ଆସିଥାନ୍ତି । ସେହିପରି ଛାତ୍ରଛାତ୍ରିମାନେ ଜେନାପୁର କଲେଜକୁ ପାଠ ପଢିବାକୁ ସେହି ଫାଟଦେଇ ଆସିଥାନ୍ତି । ଜେନାପୁର ହାଇସ୍କୁଲ ଓ ଶୋଭନୀୟ ଶିକ୍ଷା କେନ୍ଦ୍ର ବହୁ ପୁରୁଣା ଅନୁଷ୍ଠାନ ହୋଇଥିବାରୁ ଅଭିଭାବକମାନେ ତାଙ୍କ ପିଲାମାନଙ୍କୁ ସେଠାରେ ଶିକ୍ଷାଦେବାକୁ ଗୁରୁତ୍ୱ ଦେଇଥାନ୍ତି । ଫାଟକ ପାଇଁ ଛାତ୍ରଛାତ୍ରୀମାନେ ସ୍କୁଲ କିମ୍ବା କଲେଜରେ ପହଁଚିି ପାରୁନାହାଁନ୍ତି । ସେହିପରି କବାଟବନ୍ଧ ଏକ ବ୍ୟବାସୟସ୍ଥଳି ହୋଇଥିବାରୁ ଲୋକମାନେ ବ୍ୟବସାୟ ନିମନ୍ତେ ପ୍ରତିଦିନ ସେହି ଫାଟକ ଦେଇ ଆସିବାକୁ ପଡିଥାଏ । ବ୍ୟାଙ୍କ ଓ ପୋଷ୍ଟ ଅଫିସକୁ ପେନସନ୍ ନିମନ୍ତେ ବୟସ୍କ ଲୋକମାନେ ଆସି ଖରାରେ ଫାଟ ନିକଟରେ ଅଟକି ରହିବାକୁ ପଡୁଛି । ଯାହାଦ୍ୱାରା ସମସ୍ତ ବର୍ଗର ଲୋକମାନେ ଏହି ଫାଟକପାଇଁ ବିଭିନ୍ନ ସମସ୍ୟାର ସମ୍ମୁଖିନ ହେଉଛନ୍ତି । ଏ ସଂପର୍କରେ ବିଭାଗୀୟ ଉଚ୍ଚପଦସ୍ଥ ଅଧିକାରୀଙ୍କୁ ବହୁବାର ଲିଖିତ ଅଭିଯୋଗ କରି ଆସୁଥିଲେ ମଧ୍ୟ ଏହାର ସ୍ଥାୟୀ ସମାଧାନ କରାଯାଉନାହିଁଁ ।  ଯଦି ଏଥିପ୍ରତି ବିଭାଗ ତୁରନ୍ତ ଦୃଷ୍ଟି ନଦିଏ ତେବେ ଆଗାମୀ ଦିନରେ ଫାଟକ ନିକଟରେ ଧାରଣା ଦିଆଯିବ ବୋଲି ଗ୍ରାମବାସୀମାନେ ଦାବି କରିଛନ୍ତି ।  ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

3 × 1 =

Polls

ଭାରତରେ ବିମୁଦ୍ରାକରଣ ଯୋଗୁ ସାଧାରଣ ଲୋକେ ହଇରାଣ ହେଉଛନ୍ତି କି ?

View Results

Loading ... Loading ...