ଓଡ଼ିଶା ସମାଚାର

୭ ଦଫା ଦାବି ନେଇ ସିନ୍ଧେକେଲା ସିଏଚ୍ସି ସମ୍ମୁଖ ରେ ଆମରଣ ଅନଶନ

୭ ଦଫା ଦାବି ନେଇ ସିନ୍ଧେକେଲା ସିଏଚ୍ସି ସମ୍ମୁଖ ରେ ଆମରଣ ଅନଶନ

୭ ଦଫା ଦାବି ନେଇ ସିନ୍ଧେକେଲା ସିଏଚ୍ସି ସମ୍ମୁଖ ରେ ଆମରଣ ଅନଶନ
April 19
21:42 2017

ବେଙ୍ଗାମୁଣ୍ଡା , ୧୯/୦୪/୨୦୧୭(ଓଡ଼ିଶା ସମାଚାର) –କେନ୍ଦ୍ର ଓ ରାଜ୍ୟ ସରକାର ଗ୍ରାମାଂଚଲ ରେ ରହିଥିବା ବିଭିନ୍ନ ପ୍ରକାର ରୋଗୀ ମାନଙ୍କୁ ସ୍ୱାସ୍ଥ୍ୟ ସେବା ଠିକ ଭାବେ ପହଂଚାଇବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ହେଲେ ବିଭିନ୍ନ ସମସ୍ୟା ସହ ସମ୍ମୁଖୀନ ହେଉଥିଲେ ମଧ୍ୟ ବିଭାଗୀୟ ଅଧିକାରୀ ଙ୍କ ଠାରେ ଅଭିଯୋଗ କରାଯାଇଥିଲେ ମଧ୍ୟ କେହି ଧ୍ୟାନ ଦେଇନ ଥିବା ରୁ ଶେଷ ରେ ଅଂଚଲବାସୀ ଆନ୍ଦୋଲନ ରେ ସାମିଲ ହୋଇଛନ୍ତି । ସୂଚନାରୁ ପ୍ରକାଶ ଯେ ,ବଲାଙ୍ଗିର ଜିଲ୍ଲା ବେଙ୍ଗାମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ରେ ଥିବା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଲାଗିରହିଥିବା ଅବ୍ୟବସ୍ଥା କୁ ନେଇ ସିନ୍ଧେକେଲା ର ପୂର୍ବତନ ସରପଂଚ ନରେଶ ଅଗ୍ରୱାଲ ଙ୍କ ନେତୃତ୍ୱ ରେ ଏହି ଆମରଣ ଅନଶନ ହୋଇଥିଲା । ଅନଶନକାରୀ ମାନେ ଅଭିଯୋଗ କରିଥିଲେ ଯେ ,ଏହି ସିଏଚସି  ଟି ସିନ୍ଧେକେଲା ପଂଚାୟତ ର ସୀମାନ୍ତ ରେ ଥିବାରୁ ଏହା ଉପରେ ବଲାଙ୍ଗିର ,କଲାହାଣ୍ଡି ,ନୂଆପଡା ଆଦି ୩ ଟି ଜିଲ୍ଲା ର ଲୋକ ମାନେ ନିର୍ଭର କରନ୍ତି । ଏହି ଗୁରୁତ୍ୱ କୁ ଉପଲବ୍ଧି କରି ସରକାର ଏହି ସ୍ୱାସ୍ଥ୍ୟ କେନ୍ଦ୍ର କୁ ପିଏଚସି ରୁ ସିଏଚସି ଉନ୍ନୀତ କରିଥିଲେ । ତେବେ ଏଠାରେ ନା ନିୟମିତ ଡାକ୍ତର ଅଛନ୍ତି ନା ନିୟମିତ କର୍ମଚାରୀ ଅଛନ୍ତି । ଅନେକ ସମୟ ରେ ଏଠାକୁ ଡେପୁଟେସନ ରେ ଡାକ୍ତର ଆସୁଛନ୍ତି । ଠିକ୍ ରେ ଚିକିତ୍ସା ସେବା ମିଲୁପାରୁନାହିଁ । ଏଣୁ ଏଠାରେ ୨୪ ଘଂଟିଆ ଚିକିତ୍ସା ସେବା ,ରାତି ସମୟ ରେ ଅନ୍ତତଃ ଜଣେ ଡାକ୍ତର ସ୍ୱାସ୍ଥ୍ୟ କେନ୍ଦ୍ର ରେ ଉପସ୍ଥିତ ରହିବା ,ଶଯ୍ୟା ସଂଖ୍ୟା ବୃଦ୍ଧି ,ଖାଲି ପଡିଥିବା ପଦ ତୁରନ୍ତ ପୂରଣ କରାଯିବା ,୧୦୮ ଆମ୍ବୁଲାନ୍ସ ସିନ୍ଧେକେଲା ରେ ରହଣୀ ,ଅକ୍ସିଜେନ ଉପଲବ୍ଧ କରିବା ସହ ସପ୍ତାହ ରେ ଅନ୍ତତଃ ଥରେ ସ୍ତ୍ରୀ ରୋଗ ଓ ଶିଶୁ ବିଶେଷଜ୍ଞ ଏଠାରେ ସେବା ପ୍ରଦାନ କରିବା ଆଦି ଦାବି ନେଇ ଆମରଣ ଅନଶନ କରିଥିଲେ । ଏ ନେଇ ଖବର ପାଇଁ ଟିଟିଲାଗଡ ଏସଡିଏମଓ ଦିଲ୍ଲୀପ ପଟ୍ଟନାଏକ ଘଟଣା ସ୍ଥଲ ରେ ପହଂଚି ଅନଶନକାରୀ ମାନଙ୍କ ସହ ଆଲୋଚନା କରିଥିଲେ । ଦାବି ଗୁଡିକ ତୁରନ୍ତ ପୂରଣ କରିବାକୁ ପ୍ରତିଶୃତି ଦେବା ପରେ ଅନଶନ ପ୍ରତ୍ୟାହୃତ ହୋଇଥିଲା । ଏହି ଆମରଣ ଅନଶନ ରେ ସିନ୍ଧେକେଲା ସରପଂଚ ରାଜା ଥନାପତି ,ସମିତି ସଭ୍ୟ ଧନୁ ଥନାପତି ,ପୂର୍ବତନ ସମିତି ସଭ୍ୟ ବିଶ୍ୱମ୍ଭର ସାହୁ ,ବଣିକ ସଂଘ ସଭାପତି ସୁଭାଷ ଜୈନ ,ସମାଜସେବୀ ଉମାଶଙ୍କର ତ୍ରିପାଠୀ ,ନରେଶ ଜୈନ ,ଓମ ସାହୁ ,ସୁରେଶ ପ୍ରଧାନୀ ,ଘୁଟୁ ପାଣ୍ଡିଆ ,ନୂତନ ସାହୁ ,ମଧୁବନ ସାହୁ ,ଚିଙ୍ଗୁ ଜୈନ ,ଯୋଗିନ୍ଦ୍ର ନାଗ ,ଚନ୍ଦନ ସାହୁ ,ଜାପାନ ମଲ୍ଲିକ ,ନବୀନ ବେହେରା ,ରମା ବେହେରା ଙ୍କ ସମେତ ଅଂଚଲବାସୀ ମାନେ ଆନ୍ଦୋଲନ ରେ ସାମିଲ ହୋଇଥିଲେ । କମ ଦିନ ଭିତରେ ସମସ୍ୟା ର ସମାଧାନ କରିବା ପାଇଁ ପ୍ରତିଶୃତି ଦେବା ପରେ ଆନ୍ଦୋଲନ କୁ ପ୍ରତ୍ୟାହୃତ କରିଥିଲେ ।  ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

1 × 2 =