ଓଡ଼ିଶା ସମାଚାର

ରାଜ୍ୟସ୍ତରୀୟ ଲୋକ ନୃତ୍ୟ ଓ ଲୋକ ସଙ୍ଗୀତ ମହୋତ୍ସବ ଦ୍ୱିତୀୟ ସନ୍ଧ୍ୟା – ୭ଟା ବ୍ଲକ୍କୁ ସମ୍ବର୍ଦ୍ଧନା

ରାଜ୍ୟସ୍ତରୀୟ ଲୋକ ନୃତ୍ୟ ଓ ଲୋକ ସଙ୍ଗୀତ ମହୋତ୍ସବ ଦ୍ୱିତୀୟ ସନ୍ଧ୍ୟା – ୭ଟା ବ୍ଲକ୍କୁ ସମ୍ବର୍ଦ୍ଧନା

April 03
20:27 2017

Red 2 Line Logoଭୁବନେଶ୍ୱର,୦୩/୦୪/୨୦୧୭ (ଓଡ଼ିଶା ସମାଚାର)- ରାଜ୍ୟ ସଂସ୍କୃତି ବିଭାଗ ପକ୍ଷରୁ ଆୟୋଜିତ ୭ମ ରାଜ୍ୟସ୍ତରୀୟ ଲୋକ ନୃତ୍ୟ ଓ ଲୋକ ସଙ୍ଗୀତ ମହୋତ୍ସବ-୨୦୧୭ର ଦ୍ୱିତୀୟ ସନ୍ଧ୍ୟା ଅତ୍ୟନ୍ତ ଚିତାକର୍ଷକ ଥିଲା ।  କଳାକାରମାନେ ନିଜ କଳା ପରିବେଷଣ ମାଧ୍ୟମରେ କଳା, ସଂସ୍କୃତିର ପ୍ରଚାର, ପ୍ରସାର କରିନଥିଲେ ବରଂ ଦର୍ଶକଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ସୃଷ୍ଟି କରିବା ସହ ମନ ଜିଣିନେଇଥିଲେ । ଉକ୍ରଳ ମଣ୍ଡପଠାରେ ତିନିଦିନ ବ୍ୟାପୀ ଏହି ସାଂସ୍କୃତିକ ମହୋତ୍ସବର ଦ୍ୱିତୀୟ ସନ୍ଧ୍ୟାକୁ ଅତିଥିମାନେ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ । ପରେ ପରେ ଆରମ୍ଭ ହୋଇଥିଲା ସାଂସ୍କୃତିକ କାର୍ଯ୍ୟକ୍ରମ । ପ୍ରତ୍ୟେକ ଦଳ ୧୫ରୁ ୨୦ମିନିଟ୍ ଲେଖାଏଁ ଧରି ନିଜ ନିଜ ଅଂଚଳର କଳାକୁ ପରିବେଷଣ କରି ଦର୍ଶକଙ୍କ ମନ ମୋହିବାରେ ସକ୍ଷମ ହୋଇଥିଲେ । ନୃତ୍ୟ, ଗୀତର ମାଦକତାରେ ଭିଜିଥିଲେ ରସିକ ତଥା ଗୁଣଗ୍ରାହୀ ଦର୍ଶକ । ବଜା ଓ ଗୀତର ତାଳରେ କମ୍ପିଲା ମଂଚ, ଦୁଲୁକିଲା ପରିବେଶ । ପାରମ୍ପରିକ ବାଦ୍ୟ, ଗୀତର ତାଳେ ତାଳେ ଝୁମିଥିଲେ ଦର୍ଶକ ।
ସନ୍ଧ୍ୟାରେ ଭଦ୍ରକ ମୋଗଲ ତାମସା, ଅନୁଗୁଳ ଘଂଟବାଦ୍ୟ, ବୌଦ୍ଧ କରମା ନୃତ୍ୟ, ନବରଙ୍ଗପୁର ସିଂଘ ବାଦ୍ୟ, ରାୟଗଡ଼ା ଆଦିବାସୀ ନୃତ୍ୟ, ଜଗତସିଂହପୁର ଘଂଟ ପାଟୁଆ, ନୟାଗଡ଼ ସିଂଘ ବାଦ୍ୟ, କେଉଁଝର  ଚାଙ୍ଗୁ ନୃତ୍ୟ, ଗଜପତି ସଉରା ନାଚ, ଯାଜପୁର ପାଲା ପରିବେଷିତ ହୋଇଥିଲା । ଲୋକକଳାର ପ୍ରଚାର, ପ୍ରସାର ପାଇଁ ୭ଟା ବ୍ଲକ୍ ଗଞ୍ଜାମର ପୁରୁଷୋତମପୁର, କବିସୂର୍ଯ୍ୟନଗର, ଢ଼େଙ୍କାନାଳ କଙ୍କଡ଼ାହାଡ଼, କଟକ କଂଟାପଡ଼ା, ବରଗଡ଼ ଅତାବିରା, ଯାଜପୁର, ଅନୁଗୁଳର କଣିହାକୁ ସ୍ୱତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଥିଲା ।
କାର୍ଯ୍ୟକ୍ରମରେ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ମୁଖ୍ୟ ଅତିଥି, ଏମ୍ଏସ୍ଏମ୍ଇ ବିଭାଗ ସଚିବ ଏଲ୍.ଏନ୍.ଗୁପ୍ତା, ଉକ୍ରଳ ସଂସ୍କୃତି ବିଶ୍ୱବିଦ୍ୟାଳୟ କୁଳପତି ପ୍ରଫେସର ଡ. କମଳାକାନ୍ତ ମିଶ୍ର ସମ୍ମାନିତ ଅତିଥି ଭାବେ ଯୋଗଦେଇଥିଲେ । ସଂସ୍କୃତି ବିଭାଗ କମିଶନର ତଥା ଶାସନ ସଚିବ ମନୋରଞ୍ଜନ ପାଣିଗ୍ରାହୀ ସ୍ୱାଗତ ଭାଷଣ ଦେଇଥିଲେ । ବିଭାଗୀୟ ନିର୍ଦ୍ଧେଶକ ଅମରେନ୍ଦ୍ର କୁମାର ପଟ୍ଟନାୟକ ଧନ୍ୟବାଦ ଦେଇଥିଲେ । ସନ୍ଧ୍ୟାରେ ନୃତ୍ୟ, ଗୀତ ପରିବେଷଣ କରିଥିବା ୧୦ଟି ଦଳର ଗୁରୁଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ମନ୍ତ୍ରୀ ଶ୍ରୀ ପଣ୍ଡାଙ୍କୁ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ସଂଯୋଜନା କରିଥିଲେ ଇଂ. ଶ୍ରୀନିବାସ ଘଟୁଆରୀ ଓ ସ୍ନେହଲତା ପୃଷ୍ଟି । ସଂସ୍କୃତି ବିଭାଗ ଉପନିର୍ଦ୍ଧେଶକ ସଂଘମିତ୍ରା ଶତପଥୀ, ପ୍ରକଳ୍ପ ସଂଯୋଜକ ବାସୁଦେବ ମାଲବିଶୋଇଙ୍କ ନେତୃତ୍ୱରେ ବିଭାଗୀୟ ଅଧିକାରୀମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ । ପ୍ରାରମ୍ଭରେ ଶ୍ରୀକଲ୍ଚରାଲ୍  ଏକାଡେମୀ ପକ୍ଷରୁ ସ୍ୱାଗତ ସଙ୍ଗୀତ ପରିବେଷିତ ହୋଇଥିଲା । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

2 + one =

Polls

ଭାରତରେ ବିମୁଦ୍ରାକରଣ ଯୋଗୁ ସାଧାରଣ ଲୋକେ ହଇରାଣ ହେଉଛନ୍ତି କି ?

View Results

Loading ... Loading ...