ଓଡ଼ିଶା ସମାଚାର

ଧାନର ସହାୟକ ମୂଲ୍ୟ ବୃଦ୍ଧି ପାଇଁ ବରୀ ବ୍ଲକ ଘେରାଉ କଲା ବିଜେଡି

ଧାନର ସହାୟକ ମୂଲ୍ୟ ବୃଦ୍ଧି ପାଇଁ ବରୀ ବ୍ଲକ ଘେରାଉ କଲା ବିଜେଡି

ଧାନର ସହାୟକ ମୂଲ୍ୟ ବୃଦ୍ଧି ପାଇଁ ବରୀ ବ୍ଲକ ଘେରାଉ କଲା ବିଜେଡି
July 16
17:12 2017

ଯାଜପୁର, ୧୬/୦୭/୨୦୧୭(ଓଡ଼ିଶା ସମାଚାର/ଏ.ରାଉତ)-ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାରମ୍ବାର ଦାବି ସତ୍ୱେ କେନ୍ଦ୍ର ସରକାର ରାଜ୍ୟର ଚାଷୀମାନଙ୍କ ପାଇଁ ଧାନର ସହାୟକ ମୂଲ୍ୟ ବୃଦ୍ଧି କରିବାରେ ଟାଳଟୁଳ ନୀତି ଅବଲମ୍ବନ କରୁଛନ୍ତି । ଫଳରେ ରାଜ୍ୟର ଚାଷୀମାନେ ଏହାକୁ ନେଇ ପ୍ରଭୁତ କ୍ଷତିର ସମ୍ମୁଖିନ ହେଉଛନ୍ତି । ଏହାକୁ ନେଇ ସରା ରାଜ୍ୟର ପ୍ରତି ବ୍ଲକରେ ବିଜେଡି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଉଥିଲାବେଳେ ବରୀ ବିଜେଡି ପକ୍ଷରୁ ବରୀ ବ୍ଲକ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯିବା ସହିତ ଅତିରିକ୍ତ ବିଡିଓ ମହେଶ୍ୱର ସେଠୀଙ୍କୁ ଦାବିପତ୍ର ପ୍ରଦାନ କରାଯାଇଛି ।  ବରୀ ବିଧାୟକ ଦେବାଶିଷ ନାୟକଙ୍କ ନେତୃତ୍ୱରେ ଏକ ବିଶାଳ ର୍ୟାଲି ସ୍ଥାନୀୟ ରାମେଶ୍ୱର ମନ୍ଦିର ନିକଟରୁ ବାହାରି ବ୍ଲକ ଛକ ପର୍ଯ୍ୟନ୍ତ ଆସିଥିଲା । ସେଠାରେ ଆୟୋଜିତ ପ୍ରତିବାଦ ସଭାରେ ବରୀ ବିଧାୟକ ଶ୍ରୀ ନାୟକ ନିଜ ବକ୍ତବ୍ୟରେ କେନ୍ଦ୍ର ସରକାରଙ୍କୁ ତୀବ୍ର ଆକ୍ଷେପ କରିଥିଲେ । କେନ୍ଦ୍ର ସରକାର ରାଜ୍ୟର ବିଭିନ୍ନ ଲୋକହିତକର ଯୋଜନା ପାଇଁ ଅର୍ଥ ବରାଦ କରୁନଥିଲାବେଳେ ପୂର୍ବରୁ ସରକାର ଦେଉଥିବା ଅର୍ଥକୁ ଓଲଟି କାଟି ଦେଉଥିବା କହିଥିଲେ । ଏହା ସହିତ ଆମ ମୁଖ୍ୟମନ୍ତ୍ରୀ ରାଜ୍ୟର ଚାଷୀମାନଙ୍କ ଉନ୍ନତି ପାଇଁ ବିଭିନ୍ନ ଯୋଜନା ପ୍ରଣୟନ କରିଥିବା ପ୍ରକାଶ କରି ବରୀର ଚାଷୀ ଭାଇମାନଙ୍କ ଜଳସେଚନ ପାଇଁ ୪ଶହ କୋଟି ଟଙ୍କା ବ୍ୟୟବରାଦ କରି ଉଦାହରଣ ସୃଷ୍ଟି କରିଥିଲାବେଳେ ମୁଖ୍ୟମନ୍ତ୍ରୀଙ୍କ ଦାବିକୁ କେନ୍ଦ୍ର ସରକାର ଟାଲଟୁଳ ନୀତି ଅମଲମ୍ବନ କରୁଥିବା ପ୍ରକାଶ କରିଥିଲେ । ଏହା ସହିତ ଦୀର୍ଘ ୧୭ ବର୍ଷର ଶାସନ ସମୟରେ ବିଜେଡି ଦ୍ୱାରା ବରୀ ଓ ରାଜ୍ୟର ବିକାଶ ସମ୍ଭବ ହୋଇଥିବା କହିଥିଲେ । ବରୀରେ ବିଜେଡି ନେତାମାନେ ମିଳିମିଶି ବରୀର ବିକାଶ କରିଥିଲାବେଳେ ବିଜେପି ଦଖଲରେ ଥିବା ବ୍ଲକରେ ୬ମାସ ମଧ୍ୟରେ ମାଟି ମୁଠାଏ ପଡି ପାରିନଥିବା ଅଭିଯୋଗ କରିଥିଲେ । ଅନ୍ୟ ମାନଙ୍କ ମଧ୍ୟରେ ବ୍ଲକ ବିଜେଡି ସଭାପତି ସେକ୍ ସଫିକଉଦ୍ଧିନ,  ଜିଲାପରିଷଦ ସଭ୍ୟ ଅଶୋକ ସାମଲ ପ୍ରମୁଖ ନିଜନିଜ ବକ୍ତବ୍ୟରେ କେନ୍ଦ୍ର ସରକାରଙ୍କୁ କଟୁ ସମାଲୋଚନା କରିଥିଲେ । ଏହା ପରେ ବ୍ଲକ ବିଜେଡି ସଭାପତିଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଅତିରିକ୍ତ ବିଡିଓ ମହେଶ୍ୱର ସେଠୀଙ୍କୁ ଦାବିପତ୍ର ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ସାଂସଦ ପ୍ରତିନିଧି କେଦାର ସାମଲ, ଯୁବନେତା ଉମେଶ ଦାସ, ରଞ୍ଜନ କୁମାର ପଣ୍ଡା, ହରିହର ପଣ୍ଡା, ପ୍ରଶାନ୍ତ ରାଉତ, ତପନ ପଣ୍ଡା, ଅଶୋକ କୁମାର ପଣ୍ଡା, ଅଜିତ ଜେନା ପ୍ରମୁଖଙ୍କ ସହିତ ହଜାରହଜାର ବିଜେଡି କର୍ମୀ ଓ ନେତା ଯୋଗଦାନ କରିଥିଲେ । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

eighteen − 2 =