ଓଡ଼ିଶା ସମାଚାର

ନୂତନ ମେଡିକାଲ କଲେଜ ସଂପର୍କରେ ସ୍ୱାସ୍ଥ୍ୟମନ୍ତ୍ରୀଙ୍କ ସମୀକ୍ଷା : ନିର୍ଦ୍ଧାରିତ ସମୟସୀମା ମଧ୍ୟରେ ସମସ୍ତ କାର୍ଯ୍ୟ ସମ୍ପୂର୍ଣ୍ଣ କରିବାକୁ ନିର୍ଦ୍ଧେଶ

ନୂତନ ମେଡିକାଲ କଲେଜ ସଂପର୍କରେ ସ୍ୱାସ୍ଥ୍ୟମନ୍ତ୍ରୀଙ୍କ ସମୀକ୍ଷା : ନିର୍ଦ୍ଧାରିତ ସମୟସୀମା ମଧ୍ୟରେ ସମସ୍ତ କାର୍ଯ୍ୟ ସମ୍ପୂର୍ଣ୍ଣ କରିବାକୁ ନିର୍ଦ୍ଧେଶ

ନୂତନ ମେଡିକାଲ କଲେଜ ସଂପର୍କରେ ସ୍ୱାସ୍ଥ୍ୟମନ୍ତ୍ରୀଙ୍କ ସମୀକ୍ଷା : ନିର୍ଦ୍ଧାରିତ ସମୟସୀମା ମଧ୍ୟରେ ସମସ୍ତ କାର୍ଯ୍ୟ ସମ୍ପୂର୍ଣ୍ଣ କରିବାକୁ  ନିର୍ଦ୍ଧେଶ
July 16
11:16 2017

ଭୁବନେଶ୍ୱର, ୧୬/୦୭/୨୦୧୭(ଓଡ଼ିଶା ସମାଚାର/ପ୍ରଭାକର ସାହୁ)-ରାଜ୍ୟରେ ପ୍ରତିଷ୍ଠିତ ହେଉଥିବା ନୂତନ ମେଡିକାଲ କଲେଜ ସଂପର୍କରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ,ଆଇନ ମନ୍ତ୍ରୀ ପ୍ରତାପ ଜେନା ସମୀକ୍ଷା କରିଛନ୍ତି । ଭିଡିଓ କନଫରେନ୍ସିଂ ମାଧ୍ୟମରେ ମନ୍ତ୍ରୀ ଶ୍ରୀ ଜେନା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ବାରିପଦା , ସହୀଦ ଲକ୍ଷ୍ମଣ ନାୟକ ମେଡିକାଲ କଲେଜ କୋରାପୁଟ , ବଲାଙ୍ଗିର ମେଡିକାଲ କଲେଜ ଏବଂ ବାଲେଶ୍ୱର ମେଡିକାଲ ସଂପର୍କରେ ସଂପୃକ୍ତ ଜିଲ୍ଲାର ଜିଲ୍ଲାପାଳ , ମେଡିକାଲ କଲେଜର ଅଧ୍ୟକ୍ଷ , ଅଧିକ୍ଷକ , ଜିଲ୍ଲାମୁଖ୍ୟଚିକିତ୍ସା ଅଧିକାରୀ ଏବଂ ପୂର୍ତ ବିଭାଗ ଅଧିକାରୀମାନଙ୍କ ସହ ଆଲୋଚନା କରିଥିଲେ । ଚଳିତ ବର୍ଷ ବାରିପଦା ଏବଂ କୋରାପୁଟ ମେଡିକାଲ କଲେଜରେ ଏମ୍.ବି.ବି.ଏସ୍ରେ ନାମ ଲେଖା ଆରମ୍ଭ ହେବାକୁ ଯାଉଛି । ନାମଲେଖା ବେଳେ ନାମଲେଖାଇବାକୁ ଆସିବାକୁ ଥିବା ପିଲା ତଥା ସେମାନଙ୍କ ବାପ ମା’ ଯେଉଁମାନେ ସାଙ୍ଗରେ ଆସିବେ ସେମାନେ ଯେପରି କୌଣସି ପ୍ରକାର ଅସୁବିଧାର ସମ୍ମୁଖିନ ହେବେ ନାହିଁ ସେଥିପ୍ରତି ସମସ୍ତ ପ୍ରକାର ବ୍ୟବସ୍ଥା କରିବାକୁ ମନ୍ତ୍ରୀ ଶ୍ରୀ ଜେନା ପରାମର୍ଶ ଦେଇଛନ୍ତି । ସେହିପରି ଛାତ୍ରାବାସ ଆଦି ପ୍ରସ୍ତୁତ କରି ରଖିବାକୁ ମଧ୍ୟ କହିଛନ୍ତି । ବଲାଙ୍ଗିର ଏବଂ ବାଲେଶ୍ୱରରେ ଆସନ୍ତା ବର୍ଷରୁ ନାମ ଲେଖା ଯିବାକୁ ଥିବା ବେଳେ ନିର୍ମାଣ କାର୍ଯ୍ୟ ତ୍ୱରାନ୍ୱିତ କରି ନିର୍ଦ୍ଧାରିତ ସମୟରେ ସମ୍ପୂର୍ଣ୍ଣ କରିବା , ଡାକ୍ତରୀ ଯନ୍ତ୍ରପାତି ସବୁ ତୁରନ୍ତ କ୍ରୟ କରାଯିବା ଏବଂ ସେ ସବୁ ସ୍ଥାପନକରିବାର ବ୍ୟବସ୍ଥା କରିବାକୁ କହିଛନ୍ତି । ଯେପରି ମେଡିକାଲ କାଉନସିଲ ପରିଦର୍ଶନ ବେଳେ କୌଣସି ଅଭାବ ପରିଲିଖିତ ହେବ ନାହିଁ ସେଦିଗରେ ସଜାଗ ରହିବାକୁ କହିଛନ୍ତି । ଆହୁରିମଧ୍ୟ ଏହି ସମସ୍ତ କଲେଜରେ ନିଯୁକ୍ତି ପ୍ରକିୟା ତୁରନ୍ତ ଶେଷ କରିବାକୁ ହେବ । ବିଭାଗର ପଦାଧିକାରୀ ସେହି ସବୁ କଲେଜକୁ ଯାଇ ଆଲୋଚନା କରି ଯାହା ଅଭାବ ଅସୁବିଧା ରହୁଛି ତାକୁ ଦୁର କରିବାକୁ ମନ୍ତ୍ରୀ ଶ୍ରୀ ଜେନା ନିର୍ଦ୍ଧେଶ ଦେଇଛନ୍ତି । ବର୍ତମାନ ପାଇଁ ଏହି ସବୁ ଜିଲ୍ଲାର ମୁଖ୍ୟଚିକିତ୍ସାଳୟ ପାଠପଢା ହସପିଟାଲ ଭାବେ କାର୍ଯ୍ୟକରିବ । ଏଣୁ ଏହି ସବୁ ଡାକ୍ତରଖାନାମାନଙ୍କରେ ଆଉ କଣ କଣ କରାଯିବା ଆବଶ୍ୟକ , ତାକୁ ତୁରନ୍ତ କରିବାକୁ ମଧ୍ୟ ନିର୍ଦ୍ଧେଶ ଦିଆଯାଇଛି ।
ଏହି ଭିଡିଓ କନଫରେନ୍ସିଂ ସମୟରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ କମିଶନର ତଥା ଶାସନ ସଚିବ ଡାଃ ପ୍ରମୋଦ କୁମାର ମେହେର୍ଦ୍ଧା , ରାଜ୍ୟ ମେଡିକାଲ ନିଗମ ଏମ୍.ଡି ଆର୍.ପି.ସିଂହ ,ଅତିରିକ୍ତ ଶାସନ ସଚିବ ସୁରଜିତ ଦାଶ , ଡାକ୍ତରୀ ଶିକ୍ଷା ଓ ତାଲିମ୍ ନିର୍ଦ୍ଧେଶକ ପ୍ରଫେସର ଡାଃ ପ୍ରକାଶ ମହାପାତ୍ର ଏବଂ ପୂର୍ତ ବିଭାଗ ମୁଖ୍ୟଯନ୍ତ୍ରୀ ଏସ୍.ଆର୍.ସେଠୀଙ୍କ ସମେତ ଅନ୍ୟାନ୍ୟ ବିଭାଗୀୟ ପଦାଧିକାରୀମାନେ ଉପସ୍ଥିତ ଥିଲେ । ଓଡ଼ିଶା ସମାଚାରHealth 1

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

three × three =