ଓଡ଼ିଶା ସମାଚାର

ସାମୁଦ୍ରିକ ପରିବହନ ଓ ଆର୍ନ୍ତଦେଶୀୟ ଜଳପଥଦ ଶୀର୍ଷକ ଜାତୀୟ ସ୍ତରୀୟ କର୍ମଶାଳା

ସାମୁଦ୍ରିକ ପରିବହନ ଓ ଆର୍ନ୍ତଦେଶୀୟ ଜଳପଥଦ ଶୀର୍ଷକ ଜାତୀୟ ସ୍ତରୀୟ କର୍ମଶାଳା

July 15
12:23 2017

ଭୁବନେଶ୍ୱର, ୧୫/୦୭/୨୦୧୭(ଓଡ଼ିଶା ସମାଚାର)- ସାମୁଦ୍ରିକ ପରିବହନ ଓ ଆର୍ନ୍ତଦେଶୀୟ ଜଳପଥଦ ଶୀର୍ଷକ ଏକ ଜାତୀୟ ସ୍ତରୀୟ କର୍ମଶାଳା ଏକ ସ୍ଥାନୀୟ ହୋଟେଲ ପରିସରରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ ଏହାକୁ ଉଦ୍ଘାଟନ କରିଥିଲେ । ନିଜର ଉଦ୍ଘାଟନୀ ଉଦ୍ବୋଧନରେ ମୁଖ୍ୟ ଶାସନ ସଚିବ ଶ୍ରୀ ପାଢ଼ୀ କହିଥିଲେ ଯେ ସାମୁଦ୍ରିକ ପଥରେ ପରିବହନ ରେଳ ଏବଂ ସଡ଼କ ପଥ ପରିବହନ ତୁଳନାରେ ଅନେକ ଶସ୍ତା ଓ ବ୍ୟବସାୟ ଉପଯୋଗୀ । ଏହା ମଧ୍ୟ ପରିବେଶ ଅନୁକୂଳ । ସାମୁଦ୍ରିକ ପଥରେ ପରିବହନ ଓଡ଼ିଶା ତଥା ଭାରତରେ ଉପôାଦନ ଖର୍ଚ୍ଚ କମାଇବା ସହ ବିଶ୍ୱ ବଜାରରେ ଉପôାଦ ଗୁଡିକୁ ବେଶ ପ୍ରତିଯୋଗିତା ସଂପନ୍ନ କରିପାରିବ । ଏହାଛଡା, ନୌପରିବହନ ଦ୍ୱାରା ରାଜପଥ ଏବଂ ରେଳପଥରେ ବର୍ତମାନ ଦେଖା ଦେଖାଯାଇଥିବା ଭିଡ ଓ ଗହଳି କମିବା ସହ ପରିବହନ ଜନିତ ପ୍ରଦୁ୍ୟଷଣ ମାତ୍ରା ମଧ୍ୟ ହ୍ରାସ ହେବ । ଓଡ଼ିଶା ସ୍ଥିତ ଧାମରା, ପାରାଦ୍ୱୀପ ଓ ଗୋପାଳପୁର ଆଦି ୩ଟି ବନ୍ଦରରେ ପରିବହନ ଭତିଭୂମୀ ବିକାଶ ଉପରେ ମୁଖ୍ୟ ଶାସନ ସଚିବ ଶ୍ରୀ ପାଢ଼ୀ ଗୁରୁତ୍ୱ ଆରୋପ କରିବା ସହ ଏ ଦିଗରେ ଆବଶ୍ୟକୀୟ ପଦକ୍ଷେପ ନେବା ପାଇଁ ସାମୁଦ୍ରିକ ପରିବହନ ଓ ଜାହାଜ ଚଳାଚଳ ମନ୍ତ୍ରାଳୟର ବରିଷ୍ଠ ଅଧିକାରୀ ମାନଙ୍କୁ ଅନୁରୋଧ କରିଥିଲେ । ବନ୍ଦର ଭତିଭୂମୀରେ ବିକାଶ ହେଲେ ସାମୁଦ୍ରିକ ପରିବହନ ବୃଦ୍ଧି ପାଇବା ସହ ସାଗରମାଳା ପ୍ରକଳ୍ପର ସଫଳ ରୂପାୟନ ହୋଇପାରିବ ବୋଲି ଶ୍ରୀ ପାଢ଼ୀ କହିଥିଲେ । ମହାନଦୀ କୋଲ୍ ଫିଲ୍ଡ୍ ଅଂଚଳରୁ ଖନନ କରାଯାଇଥିବା କୋଇଲାର ସ୍ଥାନାନ୍ତର ଓ ପରିବହନ ପାଇଁ ବର୍ତମାନ ପର୍ଯ୍ୟନ୍ତ ଓଡ଼ିଶା ସରକାର ମୁଖ୍ୟତଃ ପଦକ୍ଷେପ ନେଉଛନ୍ତି । ଚଳିତ ବର୍ଷ ଠାରୁ ଏହି ଅଂଚଳରେ କୋଇଲା ଖନନର ପରିମାଣ ମଧ୍ୟ ବୃଦ୍ଧି ପାଇଛି । ଆଗାମୀ ବର୍ଷ ମାନଙ୍କରେ ଏହା ଅଧିକ ବୃଦ୍ଧି ପାଇବ । ତେଣୁ ମହାନଦୀ କୋଇଲା ଖଣି ଅଂଚଳରୁ ସଠିକ୍ ଭାବେ କୋଇଲା ପରିବହନ ପାଇଁ ନିର୍ଦିଷ୍ଟ ପଦକ୍ଷେପ ନେବାକୁ ମଧ୍ୟ ମୁଖ୍ୟ ଶାସନ ସଚିବ ଶ୍ରୀ ପାଢ଼ୀ ସାମୁଦ୍ରିକ ପରିବହନ ଓ ଜାହାଜ ଚଳାଚଳ ମନ୍ତ୍ରାଳୟ ଏବଂ ବନ୍ଦର କର୍ତୁପକ୍ଷଙ୍କୁ ଅନୁରୋଧ କରିଥିଲେ । କେନ୍ଦ୍ରୀୟ ମନ୍ତ୍ରାଳୟର ଯୁଗ୍ମ ଶାସନ ସଚିବ ଶ୍ରୀ ରବିନ୍ଦ୍ର କୁମାର ଅଗ୍ରୱାଲ୍ ଏହି କର୍ମଶାଳାରେ ସମ୍ମାନିତ ଅତିଥିଭାବେ ଯୋଗଦେଇ କହିଥିଲେ ଯେ ଆଗାମୀ ବର୍ଷ ମାନଙ୍କରେ ସମଗ୍ର ଦେଶରେ କୋଇଲା ଉପôାଦନ ବାର୍ଷିକ ୧ ବିଲିଅନ୍ ଟନ୍କୁ ବୃଦ୍ଧି କରାଯିବ । ଏହାର ୨୫% ଓଡ଼ିଶାର ମହାନଦୀ କୋଇଲା ଅଂଚଳ (ଏମ୍.ସି.ଏଲ୍ )ରୁ ଉପôାଦନ ହେବ । ଶ୍ରୀ ଅଗ୍ରୱାଲ୍ ଆହୁରି ମଧ୍ୟ କହିଥିଲେ ଯେ ଦେଶର ୬୧% ଭାଗ ଶକ୍ତି ଉପôାଦନ କାରଖାନାରେ କୋଇଲା ଜାଳେଣୀ ଭାବେ ବ୍ୟବହୃତ ହେଉଛି । ତେଣୁ ଅଧିକରୁ ଅଧିକ କୋଇଲାର ଖନନ ଏବଂ ପରିବହନ ଆବଶ୍ୟକତା ରହିଛି । ସମୟ ସମୟରେ ସଡ଼କ ଏବଂ ରେଳପଥରେ ଖଣିଜ ଦ୍ରବ୍ୟର ପରିବହନ ଜନିତ ଖର୍ଚ୍ଚ ଖଣିଜ ଦ୍ରବ୍ୟର ମୂଲ୍ୟଠାରୁ ଅଧିକ ହେଉଛି । ଏହି ସମସ୍ୟାର ସମାଧାନ ପାଇଁ ଦେଶର ଉପକୂଳବର୍ତୀ ରାଜ୍ୟ ମାନଙ୍କରେ ସାଗରମାଳା ପ୍ରକଳ୍ପ ଆରମ୍ଭ କରାଯାଇଛି । ଏହି ପ୍ରକଳ୍ପ ମାଧ୍ୟମରେ ରପ୍ତାନୀ ଏବଂ ଆନ୍ତଃଦେଶୀୟ ପରିବହନ ଓ ଆନୁସଂଗିକ କ୍ଷେତ୍ରରେ ହେଉଥିବା ବହୁଳ ଖର୍ଚ୍ଚରୁ ବାର୍ଷିକ ୩୫ ହଜାରରୁ ୪୦ ହଜାର କୋଟି ଟଙ୍କା କମାଇବା ଲକ୍ଷ୍ୟ ରଖାଯାଇଛି । କର୍ମଶାଳାଟି ୩ଟି ପର୍ଯ୍ୟାରେ ସଂଗଠିତ ହୋଇଥିଲା । ପାରାଦ୍ୱୀପ ପୋର୍ଟ ମାଧ୍ୟମରେ ନୌପରିବହନ, ସ୍ୱଳ୍ପ- ଦୂର ସାମୁଦ୍ରିକ ପରିବହନ, ଜଳପଥ ପରିବହନ କ୍ଷେତ୍ରରେ ଥିବା ନିୟାମକ ଏବଂ ଆର୍ଥିକ ବ୍ୟବସ୍ଥା, ବନ୍ଦର ଓ ରେଳ ବ୍ୟବସ୍ଥା ମଧ୍ୟରେ ସଂଯୋଗ ଓ ସମନ୍ୱୟ, ଭାରତରେ ଜଳପଥ ପରିବହନ ବାଣିଜ୍ୟ କ୍ଷେତ୍ରରେ ଥିବା ସୁଯୋଗ ବିଷୟରେ ବରିଷ୍ଠ ପ୍ରଶାସକ, ଶିଳ୍ପଦ୍ୟୋଗୀ ଏବଂ ବିଶେଷଜ୍ଞ ମାନେ ବିଭିନ୍ନ ତଥ୍ୟ ଓ ତତ୍ୱ ଉପସ୍ଥାପନ କରିଥିଲେ । ଓଡ଼ିଶା ସରକାରଙ୍କ ବାଣିଜ୍ୟ ଓ ପରିବହନ ବିଭାଗ ପ୍ରମୁଖ ଶାସନ ସଚିବ ଶ୍ରୀ ସଞ୍ଜୟ ରସ୍ତୋଗୀ, ଶିଳ୍ପ ବିଭାଗ ପ୍ରମୁଖ ଶାସନ ସଚିବ ଶ୍ରୀ ସଞ୍ଜିବ ଚୋପ୍ରା,ଅତିରିକ୍ତ ଶାସନ ସଚିବ ତଥା ରେଳବାଇ ସଂଯୋଜନା କମିଶନର ଶ୍ରୀ ମନୋଜ କୁମାର ମିଶ୍ର, କେନ୍ଦ୍ରୀୟ ସାମୁଦ୍ରିକ ପରିବହନ ଉପଦେଷ୍ଟା ଏମ୍.ଏମ୍.ହାସିଜା, ପାରାଦ୍ୱୀପ ପୋର୍ଟ ଟ୍ରଷ୍ଟ୍ ଅଧ୍ୟକ୍ଷ ରିେଙ୍କଶ ରାୟ, ଆଇ.ସି.ସି ନୌପରିବହନ କମିଟି ଅଧ୍ୟକ୍ଷ କ୍ୟାପ୍ଟେନ୍ ବି.ଭି.ଜେ.କେ.ଶର୍ମାଙ୍କ ସମେତ ଉଭୟ ରାଜ୍ୟ କେନ୍ଦ୍ର ସରକାରଙ୍କ ବରିଷ୍ଠ ଅଧିକାରୀମାନେ କର୍ମଶାଳାର ଆଲୋଚନାରେ ଅଂଶଗ୍ରହଣ କରିଥିଲେ । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

seven − five =