ଓଡ଼ିଶା ସମାଚାର

ନାବାର୍ଡର ୩୬ ତମ ପ୍ରତିଷ୍ଠା ଦିବସ: ଜଳ ଓ ମୃତିକା ସଂରକ୍ଷଣ କ୍ଷେତ୍ରରେ ବ୍ୟାପକ ସଚେତନତା ସୃଷ୍ଟି ଆବଶ୍ୟକ

ନାବାର୍ଡର ୩୬ ତମ ପ୍ରତିଷ୍ଠା ଦିବସ: ଜଳ ଓ ମୃତିକା ସଂରକ୍ଷଣ କ୍ଷେତ୍ରରେ ବ୍ୟାପକ ସଚେତନତା ସୃଷ୍ଟି ଆବଶ୍ୟକ

ନାବାର୍ଡର ୩୬ ତମ ପ୍ରତିଷ୍ଠା ଦିବସ: ଜଳ ଓ ମୃତିକା ସଂରକ୍ଷଣ କ୍ଷେତ୍ରରେ ବ୍ୟାପକ ସଚେତନତା  ସୃଷ୍ଟି ଆବଶ୍ୟକ
July 14
19:46 2017

ଭୁବନେଶ୍ୱର, ୧୪/୦୭/୨୦୧୭(ଓଡ଼ିଶା ସମାଚାର)-ଚଳିତ ଆର୍ଥିକ ବର୍ଷରେ ରାଜ୍ୟରେ କୃଷି ଓ ଗ୍ରାମ୍ୟ ଉନ୍ନୟନ କ୍ଷେତ୍ରରେ ନାବାର୍ଡ ପ୍ରାୟ ୬୬୫୦୦ କୋଟି ଟଙ୍କା ବ୍ୟୟ କରିବାର ଆକଳନ ରଖିଛି । ଗତ ଆର୍ଥିକ ବର୍ଷରେ ଏହା ୧୪୭୧୫ କୋଟି ଟଙ୍କା ବିଭିନ୍ନ କାର୍ଯ୍ୟ ପାଇଁ ପ୍ରଦାନ କରିଥିବା ବେଳେ ଚଳିତ ଆର୍ଥିକ ବର୍ଷରେ ଏହା ବୃଦ୍ଧି ପାଇବ ବୋଲି ଆଶା କରାଯାଇଛି । ନାବାର୍ଡର ୩୬ତମ ପ୍ରତିଷ୍ଠା ଦିବସ ଅବସରରେ ଅନୁଷ୍ଠିତ ଉତ୍ସବରେ ରାଜ୍ୟ ଅର୍ଥ ଓ ଅବକାରୀ ମନ୍ତ୍ରୀ ଶ୍ରୀ ଶଶିଭୂଷଣ ବେହେରା ମୁଖ୍ୟଅତିଥି ଭାବେ ଯୋଗଦେଇ ରାଜ୍ୟର ଭିତିଭୂମି ବିକାଶରେ ନାବାର୍ଡର ଭୂମିକା ପ୍ରଶଂସନୀୟ ବୋଲି ଉଲ୍ଲେଖ କରିଥିବା ବେଳେ ଜଳ ଓ ମୃତିକା ସଂରକ୍ଷଣ କ୍ଷେତ୍ରରେ ବ୍ୟାପକ ସଚେତନତା ସୃଷ୍ଟି କରିବା ନିମନ୍ତେ ପରାମର୍ଶ ଦେଇଛନ୍ତି । ମନ୍ତ୍ରୀ ଶ୍ରୀ ବେହେରା କହିଛନ୍ତି ଯେ ଆର୍ଆଇଡିଏଫ୍ ଯୋଜନାରେ ନାବାର୍ଡ ରାଜ୍ୟକୁ ୧୨୩୨୫ କୋଟି ଟଙ୍କାର ସହାୟତା ଦେଇ ପ୍ରାୟ ୨ ଲକ୍ଷ ପ୍ରକଳ୍ପକୁ ସଂପୂର୍ଣ୍ଣ କରିବାରେ ସହାୟତା କରିଛି । ସେହିପରି ସଂରକ୍ଷଣ ବ୍ୟବସ୍ଥା ନିମନ୍ତେ ୧.୯୪ ଲକ୍ଷ ମେଟ୍ରିକ୍ ଟନ୍ କ୍ଷମତା ବିଶିଷ୍ଟ ୩୯୮ଟି ପ୍ରାଥମିକ କୃଷି ସମବାୟ ସମିତିରେ ଗୋଦାମ ନିର୍ମାଣ ପାଇଁ ସହାୟତା ଦେଇଛି । ଗତ ଆର୍ଥିକ ବର୍ଷରେ ଜଗତସିଂହପୁର ଜିଲ୍ଲା ସ୍ୱୟଂ ସହାୟକ ଗୋଷ୍ଠୀଗୁଡିକର ଡିଜିଟାଇଜେସନ୍ରେ ସହଯୋଗ କରିଛି । ବିଭିନ୍ନ ବିକାଶମୂଳକ ଅଭିଯାନ ସହିତ ଋଣ ପ୍ରଦାନ ଓ ନିୟନ୍ତ୍ରଣ କ୍ଷମତା ଭୋଗ କରୁଥିବା ନାବାର୍ଡ ରାଜ୍ୟରେ ଦକ୍ଷତା ବିକାଶ, ଜଳ ଓ ମୃତିକା ସଂରକ୍ଷଣ ଓ ସଂଯୋଗୀକରଣ କ୍ଷେତ୍ରରେ ଅଧିକ କାର୍ଯ୍ୟ କରିବାକୁ ମନ୍ତ୍ରୀ ଶ୍ରୀ ବେହେରା ପରାମର୍ଶ ଦେଇଛନ୍ତି । ଉତ୍ସବରେ ଉଲ୍ଲେଖ କରାଯାଇଥିଲା ଯେ ରାଜ୍ୟର ୧୯ଟି ଜିଲ୍ଲାରେ ନାବାର୍ଡ ୱାଡି ପ୍ରକଳ୍ପ କାର୍ଯ୍ୟକାରୀ କରିବା ସହିତ ସେ ବାବଦରେ ୧୭୧ କୋଟି ଟଙ୍କା ବ୍ୟୟ କରି ଜନଜାତିଙ୍କ କଲ୍ୟାଣରେ ବିଶେଷ ସହାୟକ ହୋଇଛି । ଏହା ଫଳରେ ୩୭ ହଜାର ଏକରରେ ଉଦ୍ୟାନ ଚାଷ ହେବା ସହିତ ପ୍ରାୟ ୪୪୫୦୦ ଆଦିବାସୀ ପରିବାର ଉପକୃତ ହୋଇଛନ୍ତି । ସେହିପରି ରାଜ୍ୟରେ ୧୦୪ଟି ଜଳ ବିଭାଜିକା ପ୍ରକଳ୍ପ କାର୍ଯ୍ୟକାରୀ କରିବାରେ ୫୭ କୋଟି ଟଙ୍କା ଖର୍ଚ୍ଚ କରି ନାବାର୍ଡ ପ୍ରାୟ ୨୩ ହଜାର ପରିବାରକୁ ଉପକୃତ କରିପାରିଛି । ଜଳ ସଂରକ୍ଷଣ ବାବାଦରେ ଗତ ଆର୍ଥିକ ବର୍ଷରେ ନାବାର୍ଡ ପକ୍ଷରୁ ୪୧୮୬ଟି ଗ୍ରାମରେ ପ୍ରାୟ ୩ ହଜାରଟି ସଚେତନତା କାଯର୍ୟକ୍ରମ ଆୟୋଜିତ ହୋଇଛି । ନୂଆପଡା ଜିଲ୍ଲାରେ ଜଳସଂପଦ ବିଭାଗରୁ ମଞ୍ଜୁରୀପ୍ରାପ୍ତ ଗୋଟିଏ ଜଳବାୟୁ ପରିର୍ବନ ପ୍ରକଳ୍ପରେ ନାବାର୍ଡ ୨୦ କୋଟି ଟଙ୍କା ବ୍ୟୟ କରିଛି ।
ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ନାବାର୍ଡର ମୁଖ୍ୟ ପ୍ରବନ୍ଧକ ଡ. କେ.ସି. ପାଣିଗ୍ରାହୀ, ଭାରତୀୟ ରିଜର୍ଭ ବ୍ୟାଙ୍କର ପ୍ରବନ୍ଧକ ପି.କେ. ଦାସ, ଭାରତୀୟ ଷ୍ଟେଟ୍ ବ୍ୟାଙ୍କର ମୁଖ୍ୟ ପ୍ରବନ୍ଧକ ବି.ଭି.ଜି. ରେ‡ି, ୟୁକୋ ବ୍ୟାଙ୍କର ପ୍ରବନ୍ଧକ ତଥା ଏସ୍ଏଲ୍ବିସିର ଆବାହକ ଅନୀଲ କୁମାରଙ୍କ ସମେତ ବରିଷ୍ଠ ଅଧିକାରୀବୃନ୍ଦ ଉପସ୍ଥିତ ଥିଲେ । ଓଡ଼ିଶା ସମାଚାର

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

4 − 3 =